الله يا الدنيا سبحان الله كل يغني علي ليلاه .
كنت اتابع مواضيع المنتدي ووجت كل له همه وكل يظن أن لا أحد يشابه مصابة . وفي الحقيقة هكذا نحن بنو البشر . المهم أنا بأقلب مواضيعي فضفضة وكل مرة أتذكر موقف راح أرجع وأكتبه إالين أحس أني لا أملك أي شيء في خاطري لا تعلمونه .
مرة من المرات وانا اجلس بجانبها و أنا صراحة عيوني ماهي كبيرة الحمد لله وجهي ما فيه أحد تعرفت علية الا يقول والله إني من شفتك و انا ابي اتعرف عليك وهذا من فضل الله . المهم دايم تقول عيونك نقطة و تكرر قضية صغرعيوني حتي تكسر من مجدافي و تقنعني اني لست وسيم وانا وسيم لكن ما اعرف ليش كانت تكثر هذا الكلام في هذا الموضوع طبعا انا ما همني كلامها كنت اضحك بس كنت اسأل نفسي ليش كانت تسوي فيني كذا الله أعلم ؟؟؟؟؟؟؟
موقف آخر . أحبابي أنا ممن يستخدمون العدسات الصلبة الي ما يستخدمها ما يعرف وش معاناتها والله لا يجعلة يستخدمها .
المهم انا احيانا تضيع مني العدسة وهي مشكلتها لو ضاعت احتاج الي شهر حتي احصل علي وحدة جديدة و لازم فحصوات والشغلة مكلفة .
المهم انا طاحت من يدي وانا البسها و طبعا انا ما اشوف زين الا بالعدسة و قلت لها دوري لي عليها دورت بطريقة مشي حالك من شخص موهامته مع انها هاااااااااامة لي 1000000٪ و انا اطالع فيها واقول في نفسي مومعقول . طبعا خليتها ورحت لبست وحدة قديمة و كان هذا الكلام قبل الاختبارات و الله اني كنت متعقد من المذاكرة لاني ما كنت اشوف زين وقد المذاكرة وقلت الله يعوض علي خير . انا لما اكون مع اخواني الرجال والله علي طول يدورون عليها لين يحصلونها ماهم زي زوجتي .
اخواني يااااااالله كم احب اخواني واخواتي وعرفت مامعني تضحياتهم لي بعد ما شفت بنت الناس الي هي المفروض تكون أحرص منهم لذلك والله ما احصل مثل اخواني والله لو اطلبهم عيونهم مايقلون لا ياااالله لوتشفونهم وهم يتسابقون علي راحتي تقولون أنا أكبرهم ماني قبل الاخير .
تذكرت موقف لا أحسد عليه ههههههه انا اضحك تعجب من هذه الإنسانة أي العقول تملك واي القلوب تحمل ........؟
يوم من الايام كسرت زوجتي فناجيل البيت القهوه والشاهي اثناء مشكة مكالمتها لصاحبي اذا تتذكرون القصة من اول مواضيعي بالمنتدي طبعا كان فيه رحلة مع زملائ واول رحلة كانت واخر رحلة بدونها . و قالت زوجتي احمد ابي فناجيل بدل الي كسرتها وقلت خير ان شاء الله لانها قالت بأعزم زميلاتي بالبيت قلت أوكي و كان مرتب ان اليوم الي بعده عندي جمعة عشاء بالبيت طبعا أخوكم رايح باله ان الفناجيل بسبب العشاء مو برضوه اذا جو صديقاتها ورحت مع الشباب وكانت الرحلة حرب مسدسات كرات البوية( pant bool) المهم و كانت الضربات الي تجي في الجسم تؤلم المهم كنت مطلع جوالي وكاتب لها رسالة "" من بين طلقات الرصاص والبندقية بيدي لا زلت أتذكرك أنا أحبك "" المهم بعدها تغدينا ودقت علي وكنت اقول احنا تغدينا خلاص قالت الفناجيل لا تنس قلت انا اوكي ولو ما امداني اليوم بكرة خير ما ذكرتني ان خوياتها بيجون والفناجيل لهم برضه سمعت هي ردي وما قالت شئ طبعا فيه واحد من الشباب جاي من مدينة ثانية وكان لازم اودية محطة قطار المهم كنت اتكلم معة عن لغتي وهي كيف ضعيفة المهم الشاب هذا لغته مشاء الله تبارك الله قال اوكي وش رايك نسولوف بالانجليزي قلت فرصة ما تتعوض دام اخوياتها بيجون عندها ابي اجلس مع خويي ونطقطق انقلش . رحت للستي"" وسط المدينة ""علشان استغل توصيل صاحبي و استفيد لغة بنفس الوقت . دقت علي الست هانم وقالت وينك قلت أنا بالستي قالت هي وشو قلت انا بالستي قالت وش وداك قلت ولله انا ابي اودي صاحبي للقطار طبعا جاء الكلام الرخيص من كل حدب وصوب يا ... و يا .... والبنات الي بالستي و يا ...... قلت والله اني نسيت ان الفناجيل انت تبينها علشان صحباتك . المهم قلت خلاص ولا يهمك انا أجيب فناجيل من عند شباب قالت لا وبتشحذ فناجل ((لان المحل قفل)) . و مهاترات مالها داعي قلت أصلا أنت تستاهلين ليش تكسرين الفناجيل قفلت المكالمة رجعت ودقت وقالت شوف انا كلمت نورة من صاحباتها و قالت هي وزوجها برا البيت راحوا يتمشون الله يهنيهم وبتحيب لي فناجيل من بيتهم شوف الناس موزيك رايح للستي . قلت انا نسينا ما كلينا نسيتي الطلعات و انت ما يملي عينك شيء قفلت الجوال وانتهت المكالمة . طبها انا ابي اتروش من اللعب و البويات و احس اني مرة ابي اتنظف خويي راح للقطار وانا رايح للبيت ولما قربت للبيت أرسلت تقول بتجيب عشاء ولا اكلم المطعم رديت قلت اجيب عشاء و جبت عشاء و جلست برا البيت من الساعة 9 الين الساعة 3 طبعا انا ما احب ادخل بيتي وفيه حريم وبعض الناس يرمي زوجته وما يرجع يا خذها الين 2 بالليل المهم انا من التعب نمت بالسيارة و كانت خلال الفترة تراسلني وشف زوج نورة وحظها و تجلس تمدح برزوجها قلت هي تستاهل هذا التعامل ولونك زيها عاملتك زي معاملته " زوجها اذا رحنا مكان يجلس يسولف ويمزح مع الحريم بشكل ملفت انا استحي "و رسايل طول الليل وانا ارد . بالله وش رايكم .
أحس أني سأغير من شخصيتي واصير كالبراكان اذا قالت المرة زي كذا انا صراحة لو اتزوج مرة ثانية لن أكون متسامح ابدا أبدا و سأستخدم أساليب تجنن الحرمة و لن أعيرها أي أهتمام مدام أنها غلطت تتحمل و احس أني زي السيل المدمر ينسف نسف ولن استخدم اسلوب الرحمة وامشي وهذا الكلام الفاضي واسلوب النقاش من الان في سلة المحذوفات . انا الحين عرفت ليش بعض الرجال اذا خل بيته بدل ما كان وناسة برا مع الناس يصير مقطب الجبين . لان اغلب الحريم ما ينعطون وجة وانا اشوف عيناتها انت تزيد احسان وهي تزيد لعانه . وسامحوني اخواتي .
التعديل الأخير تم بواسطة حياة افضل ; 08-06-2011 الساعة 06:35 PM