اقتباس:
المشاركة الأصلية كتبت بواسطة shim
السلام عليكم ,, انا تقريبا من سنتين كانت الدورة عندي بتتأخر ب4 شهور وروحت للدكتور وبعد السونار طبعا قاللي دي قلة تغذية و كتبلي على سوبر أفيت وقاللي امشي عليه على طول والحمد لله من ساعتها والدورة منتظمة جدا,, هي بتقعد 3 ايام بس مع ألام خفيفة (بقدر أتحملها بدون مسكن) أسفل البطن والظهر ,سؤالي ممكن لو بطلت الفيتامين دلوقتي ترجع تتلخبط تاني ,, ,,وهل ده معناه ان ده ضعف تبويض و هل الضعف ده ممكن يأثر على حدوث الحمل؟ انا مخطوبة دلوقتي وعندي 25 سنة
نسيت اقول ان الدورة من ساعت اما جتلي اول مرة وان عندي 13 سنة كانت بتتأخر بالاسبوع ويمكن اكتر ومش بتعملي ألم ومكنتش بهتم اوي لحد اما اتأخرت الفترة الكبيرة اوي دي من سنتين ,,أما دلوقتي بتيجي أما في نفس يوم نزول الدورة اللي قبليها,, أو بالكت...ير بعديه بيومين تلاتة بألم خفيف زي ماقولت قبل كده وبمعدل نزول دم بصورة معتدل بيخف بالتدريج لحد مايقف في اليوم التالت,, وقبل ماتنزل الدورة بكام يوم بحس بألام في ثديي واحيانا اسفل السرة في ناحية واحدة أما اليمين او اليسار ,,أنا وزني 69 ك وطولي 162 وعندي زيادة (تخن) في منطقة البطن وما اسفل السرة
|
لا لو تغذيتك كويسة واكلك متوازن ان شاء الله مش هاتتلخبط تاني
لا مافيش ضعف تبويض ولا حاجة الدورة بتنزل كويس اهي من غير ادوية يبقى اطمئني تماما