كنت اتوقع وحدي من أعاني..
لدي طفل من زواج سابق..
والده يتجاهله تماماً..لا يمكن أن يكون إنسان طبيعي او وضعه طبيعي
حسبي الله عليه
أمس لقيت في جوال ابني عمره (9) سنوات بيت شعر عن الأب
رغم أنه لم يره إلا أوقات قليله..
(يا بوي البيت عقبك ظلام ... وناسيه الباقي)
بس بهالمعنى

انصدمت صراحه
الي قاهرني إني دايم كنت ادافع عن ابوه واجيب له هدايا أقول من بابا لمى كان صغير
بس الآن الولد كبر.. قبل أيام يقول أنا أكره بابا لأنه ما يهتم فيني ولا يسأل عني
ويهتم بإخواني
ويركبوا سيارته الجديده..

حسبي الله ونعم الوكيل
ادعي أوقات ان ربي يحنن قلبه على ولده..بس الآن ادعي الله عليه
الله لا يسامحه ولا يحلله
لأنه أثر في نفس ولدي تجاهله..

ما يعرف عن ابنه أي شيء
أي شيء..
عمره ما اشترا له شيء ما تابعه بشيء...يرسل 500 كل شهر
والله انها ما همتني ..
ولو ياخذ ولدي بس كل فتره ويسأل عنه بالمدرسه ويكلمه بالجوال أحسن عندي

قبل شهرين تقريباً كنت بمناسبة عند الأهل.. وجاء ابوه
وجايب عياله اثنين
مجلسهم جنبه واحد يمين وواحد يسار
ولدي دخل..سلم عليه سلام كأنه ولد الجيران
ولا حضنه ولا جلسه عنده
تخيلوا ولدي رجع عندي جلس عند الحريم وما رضا يطلع عند ابوه
ولا قال نادوه
ولا شيء...يالله قد ايش وجعني قلبي على ولدي..
حسبي الله ونعم الوكيل
عمره ما دق يسأل نجحت يا بابا وإلا لا..
سنه أولى أنا خليته يدق يقوله..
وبعدين خلاص وقفت..
ردة فعل بارده ..
بيقهرني وإلا بيقهر ولده وإلا وش قصده بس نفسي افهم
هذا وهو يُقال له مربي أجيال...

لو بنت ما همني .. لكن ولد..
أكيد إن شخصيته بتتأثر ..

الله يعين قلبي