كيف يعني أختي بنتك ما تتكلم ولا تشوف ولا تميز ؟

خرساء عمياء ومختلة عقليا ؟ ولا قصدك ما تدري عن شي ؟

ما فهمت قصدك

بالنسبة لتنازل أبوها عنها

والله العظيم لو أني مكانك لسوي حفلة من الفرحة , تتزوجين براحتك ولا أحد يناشبك بالبنت موب مثل كثير من المطلقات الي تطلق ظلم بعز شبابها وتمنع نفسها من الزواج خوفا على طفلها أو أطفالها ..
,وأبوها بكل بساطة حتى لو تنازل عن البنت ولكنه على العين والراس , متى ما بغى يشوفها حياه الله في بيت الوالد يشوفها كم ساعة ويقلب وجهه

والأمور كلها طيبة وميسرة بلا محاكم ولا هموم ولا تحسسين بنتك بأي شي ..

يعني بنتك ما تدري أبد عن تنازل أبوها عنها , وتحاولين تختارين رجل من اللي يتقدمون لك يكون حنووون وطيب وقبل هذا يخاف الله فيها وراضي بوجودها عندك من البداية ...

خذي الأمور بايجابية أختي

صدقيني في ناس اذا ما حركتهم المشاعر اللي داخلهم ما يحركهم شي أبد وأبوها والله أعلم من هالنوووع

هذه هداية والهداية من الله , وكونك تعاندين أبوها ما راح تستفيدين شي سوى وجع الراس لان ما تربطه فيك الآن أي علاقة علشان تسعين تعطينه دروس وغيره ...

واذا حابة انه يحس بتقصيره فيها ممكن توصلين له رسالة واضحة تماما شفهية عن طريق أبوك يعاتبه فيها على تقصيره في البنت ...

الحل ما يحل بغلط

الله يعينك ولكن من جد أتمنى لو كنت من مكانك كان من بكرى أعرست

وجبت لبنتي أحسن أب

سبحان الله من بعد طلاقي تعلمت درس :

ما أتحسر على من باعنا أبدا

بالعكس أعتبرها نعمة من الله سبحانه وتعالى ان الله بعد عني شخص ماهو قد المسؤووولية

يختي المواقف تثبت لك انك الصح وان طلاقك من هذا الرجل كان هو الصح

فاحمدي الله ولا تفكري في اللي مضى

أهم شي بنتك في أحضانك والله يعينك على تربيتها التربية الصحيحة