أنآ وأخــي,,
السلام عليكم ورحمه الله وبركآتة..
اخواني واخواتي الأفااضل .
موضوعي ما اعرف اعتبره مشكله او شو؟؟؟ مو عاارفة والله لكن لكم ماا حصل..
اعيش منذ فترة من اسرة مكونة من 3اولاد وكلهم يكبروني بالعمر,,, ولي اخواتي لكن متزوجاات منذ فترة طويلة من ايام كنت بالابتدائي 
.. >>فارق العمر -اختلاف كبير بيني وبين اخوااتي من ناحيه التفكير والطباع وكل شي,,
فأصبحت متعلقة بأخواني اكثر من اخوااتي نتيجه ان اغلب عمري كان معهم,, واعرف طباعهم ويعرفون طبااعي,,طبيعة تكونين شخصيتي اني مزووحه واحب الضحك والونااسة والفلة ,, ولا ازعل بسرعه لأني تعودت من اخواني المزح(الدفش) واتقبله منهم ولا اتقبله من غيرهم طبعاا,,كانت حياتي معهم راااائعه واكثر من رااائعه,, نتشااطر كثير من الهوايات من الألعاب الالكترونية والكشتات للبر والـ(المقناص) والتطعيس وكل شي ههههه ,,ونضرب بعض(بمزح) ونتهااوش ونتجاادل وعاايشين جونا,,
فجأة بدآ كل هذا بالانحساار,, قبل 3سنوات ذهب اخي اللذي يكبرني بـ عام واحد الى بعثة بالخااارج وافتقدت وجووده وشعرنا بالوحده لأنه كان صااحب (مقالب),,
وبعدها بعام بالضبط ذهب اخي الاخر الى الدرااسة في احد المعاهد العسكرية البعيده عن منطقتنا ,, واصبح التواصل معه قليل جدااا بسبب ظروف درااستة وافتقدنا صاحب (التعليقات) , وتأزمت نفسيتي لبعده وقلت الي صبرني على فراق الأول يصبرني على الثاني..
وما بقى بالبيت الا انا واخي الأكبر , وكان كل منا يواسي الثااني ونضحك على بعض وان ما بقى بالبيت الا انا وهو , وكان لو بيطلع مشوار قريب ياخذني معه ونسولف بأمور وبيينا اسرار وخبايا ومغامرات
وكنا مثل السمن على العسل ,,
وفي تاريخ 14/1/1432هـ , ,,تم عقد قرآنه فرحت له كثيرا وما تتصورون قد ايش كنت فرحاانه له ,, لأنه كان يخطب كثير ودايم ما ربي يكتب نصيب >>اهل زوجته ما بييننا وبينهم اي صله او معرفة لكن النصيب جا كذا..
المهم في فترة ملكته الي استمرت 9 اشهر, كان بيني وبين خطيبته تواصل عن طريق المكالمات او عن طريق المسنجر ,, وكان اغلب كلآمنا نتكلم عن الحياه بشكل عاام وسوالف عااديه جداا..الي حصل انها سئلتني سؤال:س/ ليه تميلي لأخوانك اكثر من اخواتك؟؟
ج/لأني عشت معهم اغلب عمري وشي طبيعي افراد العائلة يكون بينهم المحبه والألفة..
وليه تحبي فلآن(زوجها) بزيااده وتهتمي فيه؟؟
ج/لأني اعتبره اب وصديق وأخ حنوون,, مو مخليني احتاج شي ومدلعني ولله الحمد ومعووضني اشياء كثيرة بعد الوالد الله يرحمه,
وكانت تسئل كثير اسئلة واجاووب عليها بعفووية ..
ومن هنا بدأت المشكله .. صار اخوي يجي ويقول انتي بتخربين علي زوجتي!!
واحيان يجي يقول اول وحده بتسوي مشكله مع زوجتي هي انتي لأني اعرفك مشكلجيه !!!!
انتي لصقة , واذا تزوجت شكلي بلقااك عندنا 24 ساااعه!!!!!
وانتي وانتي وانتي.................. ويطول الحديث والكلآم والانتقادات الموجهه لي..
الى ان جا يوم وقال ((خلي عندك عزة نفـس)) .. منها انا انصدمت وتفااجأت ليه يكلمني كذا؟؟ هل لأن سعه بالي وتقبلي للمزح معه فكرني عديمه احسااس ولا راح اتأثر بكلآمة ولآ؟
ومن نفسي قطعت علاقتي بزوجته الى بعد الزواج ,, وقلت لها جوالي خربان اذا بغيتي شي ارسلي لي رساله ,>>لأن هي ساكنه بمنطقة غير منطقتنا واذا احتاجت شي من حجز في الصالون ولا محلات الورد ولا اي شي انا الي اقوم فيه ,,
وفي تاريخ 16/10/1432 تزوج وسكن قريب منا ,, لكن مازرته الا 5 مرات فقط وكلها رسمية جدآآ,,
صار كلآمي قليل جدآ معه, ويمزح معي واقابلة بأبتسامه بسيطه جدا اقرب ماتكون معدوومة,,
اول كنت اتواصل معه على طوووول عن طريق البي بي , والآن علقته عندي بالقااائمة,, احس اني ابتعدت عنه كثييييير وصرت اتجنبه واتجنب الكلام معه احياان,,حتى اذا اجتمعنا على الأكل احس اني استحي آكل قداامه , وكنت بالساابق من نسمي بالله عشان ناكل الى ان نروح نغسل يدينا وحنا سوالف, ,
الي صار ما اعرف كيف افسره ,,مو زعل من اخوي لا والله,, لكن رده فعل للكلآم الي قاله لي ..بأختصر لكم ,, انا وهو اصبحنآ ((غربآآآء )),,
قبل كم يوم يسئل امي عن سبب تغيري وما عدت مثل اول امزح واضحك واسووولف واصبحت(انطوائية على حد قوله)..ويوم قالت لي امي قلت لها لآ عادي بس هو عشان تغيرت حيااته فكرني تغيرت,, ولا اخفيكم اني بعد ما سمعت كلامها بكيت وحز بخاطري انه انتبه لتغيري عليه,,
ابغى ارجع مثل طبعي الأول لكن مو قاادرة ابدآآ,,احس ودي اتكلم واسولف لما يكون موجود لكن ما اقدر,, احس اني فقدت الثقة في كلامي واخاف اتكلم بكلمة ويحرجني قدام زوجته ,,,
دلوني على الحل.. هل انا كبرت الموضوع بسيط وانا كبرته برااسي ولا؟؟
كيف ارجع مثل اول مع اخووي؟؟؟
واحس انه بيسئلني عن سبب تغيري عليه.. هل اصارحه واقول له انت قلت كذا وكذا؟؟
__________________
[SIGPIC][/SIGPIC
التعديل الأخير تم بواسطة اصعب حكاية ; 17-06-2011 الساعة 11:23 PM