اخي الكريم الله يعينك على هذه المصيبه ويفرج همك ويصلح الامور بينكم ...

انت الان مو محتاج لحل ... انت محتاج لاتخاذ قرار ... والقرار هذا بإيدك لان الردود والاراء اللي بتحصلها
مختلفة وهذا الشيء بيشتتك اكثر ...
ما دام انك ما زلت تكن لها الحب ... عطها فرصة اسبوعين الى شهر وخلها تسير عند اهلها بشكل مؤقت
بدون لا تذكر اي شيء امام احد .. ما في أي احد معصوم عن الخطأ .. سواء الخطأ كبير او صغير .. استر عليها
واكسب فيها اجر ..

بعد ان ترسلها بيت اهلها .. ارتاح هذه الفترة وتقرب من الله وادعيه ان يفرج همك وييسر امرك في اتخاذ القرار ..
وابعد فكرة الانتحار ... المفروض ان المشاكل تقوي الانسان ما تضعفه لو تشوف مصائب الناس بتهون عليك مصيبتك
اخوي ..وما في مانع تشاور شيخ دين موثوق فيه وبحكمته ... ولا تشاور لا صديق ولا زميل ولا احد ..

اذا فكرت تستمر معاها فساعدها على اصلاح نفسها ودينها .. دلعها بحدود .. لا تذكرها ولا تتكلمون عن اللي صار ..
راجع طريقة تعاملك معاها شوف وين الخطأ كان ... ممكن الثقة الزايدة ... التساهل الزايد ... الانشغال عنها اغلب
الاوقات .. لا تقول بعاملها بقسوة وبعاقبها ... عاملها باللي يرضي الله ومن ثم يرضي ضميرك ..

واذا لا سمح الله طلقتها ... فالله يستر عليها ويعوضك خير ...
ونصيحه من اخت ... سواء استمريت معاها او لا سمح الله انفصلت عنها ... سامحها من قلب علشان ترتاح باقي
حياتك ...

اسأل الله القدير او يوفقك ويسعدك ويفرج همك ..