السلام عليكم ورحمة الله وبركاته
وطمنا زوج فجر عن فجر وامها والله ان لكم دعوات خاصه منا
وننتظر بشايركم الخيره لمتابعيكم
واستاذنك وفجر في اجابتي لاستاذنا رجل الرجال
الإبنة مجموعة حروف:
أثابك الله خير من دعائك.
لك جزيل الشكر استاذنا وكما عهدناك بعطاءك الامحدود نسال الله ان يعطيك
من واسع فضله ويزيدك علما ونورا
حل بشكل عاجل لمعاناتك من الأماكن الشاهقة:
1- يمكن له سبب نفسي من وأنتي طفلة من علو أو مزح معك في مكان شاهق فابحثي في طفولتك بجلسة سحب من الذاكرة بالطريقة التالية:
ضعي مخدة تحت الساقين واستلقي وضعي رأسك على وسادة معتدلة ثم أغلقي عينيكِ وبدون إضاءة في الغرفة ولا أصوات ثم تذكري أول بيت لكم يوم كنتي طفلة واستدعي كل التفاصيل ثم تابعي سحب الملفات من الذاكرة حتى تصلي لما أرعبك من الأماكن المرتفعة.
شخصيتي وانا طفله غير عن كذا كنت اطلع الاماكن المرتفعه بدون خوف وبستمتاع
واتسلق جبال حتى اوصل قمة الجبل واطالع الناس من تحتي ماكنت اخاف نهائيا
واول زواجي رحنا الجنوب وكان الوضع عادي ماحسيت باي خوف
لكن قبل مانرجع كنا جالسين مع عائله من سكان المنطقه واحنا اساسا جالسين في مكان مرتفع وعيني على جبل شاهق امامي وشايفه سيارات متجه للجبل وكانت في نظري بمقدار النمله في راحت يدي وسالت الحرمه عنه وقالت هذا الطريق الي ترجعون منه
وحسيت الصوره هزتني ومسكت فبالي لكن لمارجعنا كان باليل وماحسيت فالطريق وارتفاعه والعقبه وانفاقها
وبعد 3سنوات تقريبا رحنا لنفس المنطقه وكان زوجي مرتبط بموعد وعشان يوصل فساعه معينه لازم يدعس وكان الجو ضباب وارتفاعات ومنعطفات ودخل علينا الليل وجلست اتخيل الضباب لسافيه وانا ماصرنا نشوف شي وكمان معي طفلين فشايله همهم اكثر من نفسي وهنا تازم حالي وتعبت نفسيتي ومارضيت نرجع بالسياره وبنفس الطريق
لكن جو اهلي ولمارجعنا كنا مع بعض وخفت حالة الخوف
على ان زوجي زعل وقال الي يسمعك ويشوف حالتك يقول هذا ورع مو رجال
مع انه والحق ينقال والله مافيه اروق منه فالخطوط الطويله ويعجبني فكثير
من تصرفاتها اثناء السواقه ومع خوفي ذا ماقدر امشي مع غيره لو اخويه
احس بامان اكثر معاه بعد الله
2- (هنا ملمح نفسي مهم للأمهات وهو أن الرضيع يرى والديه بحجم كبير جدا ولتصور ذلك لتتخيل الأم أن رجلاً أكبر منها بستة أضعاف حجمها ويقذفها بالهواء من باب المزح) وهو ما تفعله مع طفلها الرضيع.
االصوره هذي اعيشها لما اتخيل اني راكبه طياره مع اني عمري ماركبتها
ولما اشوف الابراج المرتفعه واتخيل اني في احد طوابقها
وهذا حصل لما رحنا المدينه وحجزنا جناح في الطابق الثامن جلسنا 3 ايام ماقدرت انام كل ماتخيلت اني مرتفعه عن الارض احس بدوخه وجسمي يرتعش ولا اقرب من الواجه المطله على الحرم ماقدر اشوف قدايش انا مرتفعه واحاول اشغل نفسي ومابا اتذكر اناوين
مع ان زوجي يقول لو بالطابق 30 وش تسوين واتخيل ويزيد حالي
3- عند وجودك في الأماكن المرتفعه ركزي بصرك على أقرب شيء مسطح أمامك ليبعد عينيكِ عن جمع صورة المكان المرتفع مع المكان الذي أنتي فيه فمن يكون قرب النافذة في الطيارة ليس كمن كرسيه في وسطها ومن ينظر لطبلون السيارة أو في كتاب ليس كمن ينظر لعقبة شعار مثلاً ههه).
هذا الي انا اسويه على طول عيني على اقرب خطوه منا مستحيل ارفعها فوق
ولا اطالع اسفل اشوف الارتفاع لكن اعيش في ضغط نفسي فضيع
4- الحديث عن هذا الموضوع بشكل متواصل يجعل له بريستيج نفسي يجعلك أحياناً تتمسكين به ويعمقه في نفسك أكثر ويكبر حجمه عندك والأفضل تحجيمه بشكل صغير ولو مع الضغط على النفس.
ممكن هذا النهج متبعته عشان زوجي يفهم نفسيتي لانه صار يوديني لاي مكان مرتفع
ويتعمد من باب يروح الخوف يقول عشان اطلعلك قلب
5- أكتبي على لوحة في غرفة نومك وفي لوحة صغيرة في شنطتك العبارة الآتية ( أنا أخاف من المرتفعات ولكن ليس بشكل كبير) وكلما فتحتي الشنطة ستقرئينها.
وبعد عودتك إن شاء الله ننتظر النتائج. [/QUOTE]
كتبتها في ورقه صغيره وحطيتها على الكمدينه الي جنبي وكل ماشفتها اتذكر المكتوب فيها
اما احطها على جدار ويشوفها زوجي ويبدا في مغامراته الي تازم حالتي
مع انه مهددني بركوب التلفريك لدرجة اني شفت فديو لاخويا هو واصحابه جوا التلفريك واتخيل نفسي داخله وارتجف
وبعد عودتك إن شاء الله ننتظر النتائج.
ان شاء الله السفره ممكن تكون بعد 10 ايام
مع انه لوبيدي ماروح لكن بضغط على نفسي عشان ماعقدهم معايا
وخصوصا انه ماخذ سياره جديده جيب وشايله همه فالمرتفعات ونفسي احد يروح معانا عشان يخفف علي عبء الركوب قدام
دعواتكم
التعديل الأخير تم بواسطة مجموعة حروف ; 18-06-2011 الساعة 06:27 AM