ههههههههههههههههههههههههههه
أضحك الله سنك مثل ماضحكت وأ كثر ياغاليتي أجل الناس في إجازة ومريحين وأنتي فاتحة الإجازه مشرو ع تجاري بصراحة ذكرتيني بنفسي زمان أنا كان تفكري كذا تجاري بس الإختلاف إني أنا كنت أحل واجبات أخوي المدرسية وقت الدراسة وكنت آخذ على كل درس أحل واجبه له 5 ريال وكمان هناك إمكانية الدفع المؤجل والتقسيط المريح وإذا ماسددني المديونية
أحل له واجباته وأبتدي أ كتب له الدرس من آخر سطر يعني النهاية أحطها البداية في دفتر الواجبات وزيادة أنقص الدرس سطرين أو ثلاثة يعني توفير وقت والطامة الكبرى أخوي مايراجع الواجبات إللي أحلها له
و في اليوم الثاني الأستاذ يجي يصحح له الواجبات ويلاقي الدنيا مخبصة و يستدعي أخوي يقول لأخوي أنت عملت إيه يبني هو أنت تشوف بالمقلوب ولا إيه وياخذ له علقة مرتبة بعدين تعرفي مدرسين زمان كانوا أغلبهم مصرين وفلسطينين الله يذكرهم بالخير مافيه عندهم يمه إرحميني في التعليم مافيه تساهل كان يسلخون الطالب سلخ حتى يصحصح ويفتح زين وأخوي إذا إنسلخ يتذكر الدين إللي عليه ماسدده ويفهم إني قاصدته بهاذي الحركة و نتزاعل أنا وياه أسبو ع وبعدها نرجع نتصالح وأرجع أحل له واجباته
لأنه هو كان ماهو بفاضي للواجبات كان حضرته كابتن فريق حارتنا بعد صلاة العصر ماعاد تلاقينة بالبيت يلبس رياضه ويرو ح يلعب كورة وأنا أستغلها فرصه وأترزق الله من وراه و كان كل إخواني يتسلفون معاي و إللي مايسدد آخذ أي شئ غالي عليه من حاجياته حتى يسدد وأرجعها له
وإذا ماسدد في فترة محددة تصبح حاجته من أملاكي الخاصه وسبحان الله لحد الآن إخواني كل ما تجمعنا يذكروني باأيام زمان وإيش إللي صار فيها الله يسقي هاذيك الأيام واليالي كانت أيام جميلة ورائعة
بحق وحقيقي بالذات بين الأهل والإخوان هناك ذكريات ماتنتسى.
‏
غاليتي كرستالا بارك الله لك في عصافيرك الصغار ورزقك الله برهم وطاعتهم ومتعك أنتي وأسرتك بالصحة والعافية وحفظكم الله من كل سؤ وعقبال إن شاء الله مايدرسوا ويتخرجوا وينجحوا بأعلى الشهادات ويحفظوا كتاب الله الكريم يارب وتفرحي فيهم وتشوفي عيالهم اللهم آمين .

وشاكرة لك مرورك ومشاركتك التي أسعدتني بارك الله فيك .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله