منتدى عالم الأسرة والمجتمع - عرض مشاركة واحدة - اللهم اكفني بحلالك عن حرآآمكـ..

18-06-2011, 06:21 PM

سآرهـ

عضو جديد

تاريخ التسجيل: Jun 2011

المشاركات: 15

اللهم اكفني بحلالك عن حرآآمكـ..

السلام عليكم ورحمه الله وبركاته
اممممممممم ماادري وش اقوول بس فيه سالفه حيل مضايقتني

وحبيت افضفض

لما نكوون باجتماعات عائليه وهيك اجلس مع الحريم طبعآ باعتبار اني حرمه

فــ تنط لي وحدهـ وتقول روحي اجلسي مع البنات
المشكله كلهم متزوجاات ويوم اجلس معهم ولا وحده منهم تكلمني او تعطيني وجه >الا وحدهـ الله يذكرها بالخير
بس ماتحضر اجتماعتنا لانها راحت منطقه ثانيه
المهم اني انقهر من الحركه هذي كأن محد اعرس الا هم >> مب غايرهـ منهم الا الله يوفقهم ويسعدهم واتمنى لهم
اللي اتمناهـ لنفسي
بس حتى انا ودي اتزوج ودي البس الفستان ابيض واشوف امي وابوي واهلي فرحانين فيني :14:
انخطبت 3 مرات وكلهم جو وشافوني وبعدها لاحس ولاخبر
ماادري انا شينه ولا وش السالفه بس طالعت نفسي بالمرايه وشفت اني احلى منهم

امي تقولي السالفه قسمه ونصيب وماادري ايش بس والله مشاعري تنجرح مب مره ولا مرتين 3

ماادري البلا فيني ولا فيهم
واللي يقهرني لما انخطب امي بسرعه تقول لخالاتي

حتى اخر مره انخطبت قالت لي خالتي انتبهي تتحمسين او تتفائلين ترى مصيرهم نفس المرتين اللي راحو

وربي ماعرفت ارد عليها دموعي ملت عيني وحلقي مدري وش جااه قمه التحطيم حسبي الله عليها
حتى امي استغربت منها هالكلام وضاق صدرها لانها شافتني متضايقه وقالت لي لاتهتمين بكلامها
قلت اساسآ ماهمتني>> ماتبي تضايق امها
بس جد مررررررهـ متضايقه واحس الدنيا مسكرهـ ابوابها بوجهي ودووم افكر بهالسالفه لاني لاادرس ولا اشتغل
ولاحتى عندي شيئ اشغل نفسي فيه
وعندي فرآآآغ عاطفي كبير والشيطان مايخلي احد من شرهـ الله يعيني على جهاد نفسي
وربي خايفه على نفسي حيل كل يوم اقفل الباب وابكي على حالي (اللهم اكفني بحلالك عن حرامك واغنني بفضلك عمن سوآآآآك)

دعوااتكم