يا أخي
اسأل الله أن يفرج همك
بالنسبه لك
لاتشيل هم بعض الآباء عصبي حيل
وفي مجتمعنا كثير
أهم شي أنك تكون بار بوالديك
وتحاول قدر إستطاعتك تكون صبور
وتتجاهل كلامهم الجارح
وتشوف لك أحد ثقه يصارح والدك بحاجتك للزواج
وأحرص على ذات الدين
لايغرك الجمال
وتتعب مرتين
من وضعك الحالي
ومن مشاكل لاسمح الله
أهم شي الدين
وأتمنى تتجاهل أي كلمه تجرح من والديك تخيلها كلمه حلوه
أرضى بالواقع
يا أخوي
أقول لك من واقع تجربه والدي الله يطول بعمره يتكلم على أخوي بكلام وربي يبكي وما يحبه يخدمه مع أن أخوي لو كان طالع من الدوام ونقول له توصلنا لمشوار ما يقول لا
لكن الوالد شايل عليه بقوه
ليش!!!!!
لأنه ما كمل دراسته والحمدلله حصل وظيفه وترك الدراسه
وفوق كذا أخوي ما يقول شي
تخيل يتكلم عليه قدام زوجته مع أن أخوي كبير عمره(39)
لكن أخوي صابر
يقول لو يقول لي الوالد أي كلمه جارحه بصبر
وكان عايش معنا وطلب منه الوالد يطلع
وطلع أخوي وسكن بإيجار
مع أنه يقوم يخدمتنا على أكمل وجه
لكن فوق كذا أخوي صابر
يعني مو أنت وحدك تعاني
اصبر وإن شاء الله الله بيعوضك
__________________
الله يصبرني على فراقكم يا أهلي
الله يجمعني معكم بالقريب العاجل