منتدى عالم الأسرة والمجتمع - عرض مشاركة واحدة

19-06-2011, 12:07 AM

دمية القمح

عضو دائم

تاريخ التسجيل: Mar 2011

المشاركات: 85

الله المستعان

لاتزعلين وانا اختك كل كبار السن كذا اذا زارهم أحد من بره البيت يشتكون له من الي يخدمهم عجيب امرهم لو ايش يكون الي تسوينه لازم يسبونك عادي هم كذا لاتتحسسين هذا الوضع عند الكل

ترى انا مثلكِ وأكثر شايلة أبوي وأمي وبنتي اخدمهم

واخواني وخواتي يجون عندنا مثل الضيوف مااحد يساعدني

لاعندي خادمة تساعدني ولاسواق ولاهم يحزنون فيلا دورين على ظهري هلاك وتعب ماعندي وقت لنفسي

هذا يبغى أكل هذا يبغى قهوة هذا يبغى فطور هذا يبغى اركب له لمبة هذا يبغى ابرمج له التلفزيون هذا يبغى ماادري ايش صرت طباخ وسباك وحمال وغسال وجرسون كهربائي ومهندس حتى الانبوبة يخلوني اشيلها واركبها تجي عندنا حرب البسوس عليها واستقبل الضيوف واباشر والعزايم كلها علي وانسي اني اسمع كلمة شكرا ولا الله يعافيك انسي ابوي اذا بيضت وجهه بعشا ولا غدا ويكون مستانس على العزيمة وكل شي تمام اجي ثاني يوم فاشخه الخشه واثقة من نفسها الاخت من الوناسة على بالي بيمدح فيني ويقول بيض الله وجه بنتي ههههههههههه الا على طول اوامر ومايعجبه العجب

لاسفر لاتمشية لادخلة لاطلعة لازيارات لا وناسة حكرة مكة بموت ازورها ماحصلت لي

وآكل نقد وعتب ولوم

لو احكي لك ماتصدقين ( مسلسل اصابع الزمن

) احزن

وبنتي تكسر خاطري محبوسة معي طول السنة مسكينة بس انا اسليها

ومع كذا راميه الهم ورا ظهري لو بزعل واتضايق من كل كلمة ومن كل حركة واتحسس كان انا فطيس من زماااااااااااااااان

مااكذب واقولك ماابكي الا ابكي واتشحتف كمان :14: لاكن اطلع من الحالة بدري بدري واقوي عزمي وانسى كل شئ ولا كأن صار لي شي واعيش حياتي

قبل فترة اضحك مع اخواني الله يذكرهم بالخير اقول انا خلاص وصلت لمرحلة اني ماعاد يهمني شي طول النهار بس استهبال وتطنيش

علشان انسى الهم تكفون اذا شفتوني تطورت عندي الحالة ووصلت لدرجة الضحك والكركره على طول رمي بالرصاص اعدام

تخلصوا مني

احتسب الاجر عند ربي وبالعكس اشوف اني مقصره معهم اذا مليت اجلس على النت اسلي نفسي هذا اذا حصل لي جلسة من اصله شوفي وانا بس اكلمك نادوني مرتين لا ومن زود النحاسه كتبت لك كلام طويل عريض انمسح ورجعت اعيد بس لعيونك وعلشان خاطر ماتزعلين

أهم شئ الصحة هي راس مالك لاتنقهرين ولاتزعلين اضحكي حتى لو عباطه

شوي شوي تصير حالة مستعصية عنك

وانا مثلك بالضبط خايفة من بكره الله يطول في عمر ابوي وامي اخاف انجبر على السكن مع زوجات اخواني لأني مطلقة وماعندي نية ابدا اتزوج

لاكن أنتِ الحمدلله بنوتة لسه المستقبل قدامك لامعك اطفال تشيلين همهم ولا شي والحمدلله شايله نفسك عنهم مو محتاجة لهم وهذي نعمة كبيرة انا لاوظيفة ولافلوس ولاشي على البساط

صدقيني وضعك افضل من وضع بنات كثير غيرك ونصيحة لاتشترين شئ انتِ مو في حاجته احفظي فلوسك

واخوانك عادي لايهمونك الله يسخرهم لكِ لاتنتظرين منهم شي كلن في هالدنيا لاهي بنفسه وترى هذا طبيعي وانا اختك يمكن يشوفونك شبعانه ومو محتاجة لهم وعلى كلامك تلبسين فخم وماركات وفلة يظنون انهم مو مقصرين معك

كوني صداقات وروحي زيارات عند اقاربك ومعارفك واشغلي نفسك بختم القرآن واتسلي على النت شاركي في منتديات نسائية وسولفي معهم عيشي حياتك وانسي الهم ينساكِ

الله يرزقك بالزوج الصالح والذرية الصالحة الي تملأ حياتك وتقر عينكِ

__________________

رجل الرجال اسم على مسمى
بارك الله فيك واثابك ونفع بك

التعديل الأخير تم بواسطة دمية القمح ; 19-06-2011 الساعة 12:20 AM