منتدى عالم الأسرة والمجتمع - عرض مشاركة واحدة

22-06-2011, 07:59 AM

#50

مهره

عضو المنتدى الفخري

تاريخ التسجيل: Aug 2003

المشاركات: 17,491

اقتباس:

المشاركة الأصلية كتبت بواسطة روح الطير

عزيزتي مهرة ..

يمكن يكون هذا هو السبب ؟
بس من زماااااااااااااااان كنت أشوفها دايم تبعد زميلاتها عني و كنت أطنش ..
و دايم تسيئ لي قدامهم ، بس كنت أسكت و أقول أهم شئ ما نخسر بعض و لا نخسر قرابتنا ..
بس دحين عيني عينك تتهمني قدام أخوها و تخليه يحقد علي و يكرهني ؟؟؟

و شئ ثاني ، يوم كلمت أختها اللي أصغر منها .. أختها جلست تحط أعذار لها و مادري إيش ..
و تقول ، طيب هي كل اللي يتقدموا لها شوفيهم كيف ؟ مافي أي واحد عدل تقدم لها عشان تقبل
فيه ..

طيب يا مهرة خليك معاي و خليني أكون صريحة هنا ..
البنت يوم يجوا ضيوف لأمها و هي الوحيدة في البيت دحين مع أمها ،.
ما تتحرك و لا تستقبلهم و تضارب مع أمها و تعاندها ، و تتحجج بإنها نعسانة و راجعة من العمل ..
أو تتحجج بإنها تكره ( فلانة ) اللي جات بيتهم ، أو أي حجة ..

أمها تنحرج مع الحريم يوم يسألوها فين بنتك ما تجي تسلم علينا ؟؟؟
و حتى القهوة و الشاي ، الخدامة هي اللي تجهزه أو الأم تجهزه ..

أو إنه البنت تستقبلهم بلبس مبهدل و لبس البيت ، و ما تضبط شعرها و لا تحط كريم و لا مكياج و لا
تتعطر .. و لا تكششششر في وجههم و ما تتكلم معاهم ، و لا تجلس و ما تقوم تباشر بشئ ..

و مرة أمها قالت لي كلميها ، انصحيها .. أخواتها و لا وحدة فيهم تنصحها ..
فقمت أكلمها مرات و نحن لوحدنا جالسين ، و أكلمها بأسلوب أبدا ما يجرح ..
مثلا ، غيري اللبس هذا .. ترى هذا أحلى أو أقول لها مرات ( مو أحسن تفردي شعرك ؟ ) ..

من جد ، أمها تعبت منها و تقول ،، هي مو عمرها 10 سنوات أجلس أعلمها ؟؟؟
ليه ما تطالع نفسها في المراية ؟؟؟

( على فكرة ياا مهرة .. حركاتها هذه تعملها قدام أمها و ضيوف و جيران أمها )
و لا هي إذا تبغى تهتم في نفسها ، فتعرف تهتم .. بس كذا تستنى فرصة عشان ( تقهر أمها ) ..
عشان كذا أمها تقول ( هذه ضرتي مو بنتي ) و مرات أمها تقول ( حماتي ما عمرها عاملتني زيك ) ..

يعني القصد من الأمثلة هذه ..
بإنه كيف حيجي عريس عدل و هي كذا ، ما تستقبل أحد .. و لا تحسن التصرف مع الحريم ؟؟؟
بس مع زميلاتها ، تعرف كيف تتشيك و تلبس ..

و أنا من جد ، خلاص مالي دخل ..
أخواتها بس يعرفوا ينتقدوا و يقولوا لا تزعلوها ،، و مافي ولا وحدة تنصحها و تعقلها ..
بس يتفرجوا عليها ..

والله يا روح هناك أكثر من مبرر ربما يكون الدافع وراء تصرفاتها الغريبة .. ولكن لا يهمنا هذا الآن .. فالبنت كبيرة ويفترض أن عقلها في راسها وتعرف خلاصها.

وحقيقة جميل أن الأم تثق بكِ وتطلب منكِ التدخل والتحدث معها ونصحها .. وأنا بالفعل متعاطفة جداً مع أمها وأقدر وضعها وأتفهم مشاعرها وخوفها على ابنتها لدرجة تدفعها لطلب المساعدة منكِ .. وهذا أمرٌ لا أراه سهلاً على الأم (على الأقل هذا سيكون شعوري وسأستصعب الأمر جداً على نفسي) ولكن يا روح ماذا ترجين من بنت هذه معاملتها مع أمها؟!

يعني ما دامت لا تسمع كلام أمها ولا تتفهم وجهة نظرها ولا حتى عملت لها قدر ولا حشيمة قدام الناس فما الذي ترجينه منها؟!

لا نقول إلا الله يهديها ويصلحها.

__________________

اللهم طِيبَ الأثر .. وحُسْنَ الرحيل.