الله يحفظك يابنت الحمكي ماشاء الله تبارك الله مواضيع مختلفة والكلام فيها درر
لا تكوني دكتورة واحنا ماندري
بالفعل من الاشياء المهم الصيف
بس لازم عشان الاهل ما يزعلوا اولادهم يكون في خطوات منها يفرحوا بالاجازة ومنها يكون فيها المفيد اللي يتمنوه الاهل
مثلا بعض الاهالي يجبروا اولادهم دورات وقران وبالمقابل ابدا مافي نزهات او خروج لان هذا الشي مايوافق رغبة الاهل
طيب انت لمن تجي تنظر للي تطلبه من ابنك من حفظ قران او تنمية مهارة في الغالب اشياء ماترضي رغبة الطفل ايضا
فلازم يكون في توازن
بحيث مايكون ارغام شديد وكمان اجحاف بحق الاطفال في ايام اجازتهم
ولا ننسى اغلب المجتمع اللي حولنا عايشين بدون اهداف فكيف حيكون اطفالهم
( وفي هذه النقطة لاننسى ان الاطفال حيسمعوا من قرنائهم كيف يقضوا وقتهم )
فلازم يكون في اخد وعطا بين الاب والابن او الام بحيث نفهمهم ان النوم المبكر لصحتهم وانها سنة الرسول ولازم يطوروا مهارتهم عشان في المستقبل تكون انسان له شأن ونضرب امثله وكمان اهم نقطه المكافات من تنزه واشياء يحبها ويرغب فيها الطفل
معليش كثرت كلام بس بجد الموضوع لامس شغاف قلبي
لاني انا الكبيرة اللي كل ماسويت اهداف طارت في الهوا بسبب المجتمع اللي حولي