يسلمكم كلكم يارب ، واحد واحد و نفر نفر ..
و بس أريح نفسي ، و بأرجع أرد على ( زنقة زنقة ) ،، أقصد كل واحد و وحدة
لإني من كم يوم ، نفسي مسدودة عن الأكل و معدتي تعبانة ..

من جد سامحوني ، تعبانة مع الحمل و مع ولدي و أمي و الغسيل تراكم علي الأسبوع اللي فات ..
و انهلكت لحد ما أخلصهم كلهم : (

.
.

طيب ..

يعني كلكم تقريبا ( أجمعتوا ) على إني أخد الكتكوت معاي ..
و كويس إني سألتكم ، لإني من جد كنت محتارة كثيييييييييييير و كنت ما بين و بين ..

.
.

و الصراحة ، تغييرت القرارات هذا الأسبوع ، عشان حصلت مستجدات ..
بس استفدت من ارائكم في الخطط الجديدة .. ^_^


1 - بما إني حأرجع إن شاء الله بعد كم شهر للغربة و الدراسة ..
و السفرة هذه أصلا ما كانت لغرض الـ ( سياحة ) ، و كانت لإنهاء أمور كثيرة ..
فلغيت فكرة السفر حاليا .. و خلاص بأخليها مرة وحدة ، و مو لازم أحضر حفل التخرج ..
: (


2 - و بما إني من يوم رجعت من الغربة ، ما تمشيت و لا غيرت أو جددت نفسيتي
من تعب الدراسة و مرض أمي و دحين حمل ، و بعد الحمل ولادة إن شاء الله و بعدها
دراسة و غربة من جديد ... إلخ
و من يوم تزوجت أصلا ما سافرت غير لجدة ..

فقررت ، بدل ما ندفع فلوس التذاكر على بريطانيا و لمدة أسبوع فقط ..
فقلت لزوجي نشتري تذاكر على دولة سياحية و أبغى أتمشىىىىىىىىىىىىىىىىىىىىىىى ،،

و بتطلع قيمة تذكرتي أنا و زوجي و ولدي ،، بنفس قيمة تذكرتي لوحدها على بريطانيا ..
يعني على بريطانيا كنت حأدفع أقل شئ 14 ألف ، بس تذاكر لي و لزوجي و ولدي ..
و ليت رايحين نتمشى ..

بس دحين ، تقريبا 5 الاف لنا نحن الثلاثة ، روحة و رجعة ..
و بأوري لزوجي الأماكن اللي كنا نروحها مع أبوي االله يرحمه ..

.
.

و بأحجز لولدي طبعا معانا ( و ما حأتركه هنا ) ..
و كله بفضل نصايحكم ..


و بالنسبة للنادي الصيفي ،، فلغيت فكرة تسجيله فيها ..
لإنكم نبهتوني لنقطة ما كنت أعرفها ، بإنه في النادي ( الأعمار تختلف و تتفاوت من عمر 4 - 13 ) سنة ..
و ما حبيت إنه يختلط بأولاد أكبر منه بكثير ..

و بأسجله إن شاء الله على نهاية الإجازة ..
و هو معايا في البيت ، بيسليني و أسليه .. ^_^

بس مرات أحزن عليه ،.
لإنه ماعنده أحد يلعب معاه و زوجي ما بيفضى لنا دايم عشان أخد ولدي لأي مكان ..

و أتمنى متى يجي النونو بالسلامة يارب ، عشان يسلي أخوه ^_^
حتى ولدي أمس يقول ( يا نونو ،، يالله أخرج بسرعة ) ههههههه