حلم حيااااتى ..اعوذ بالله من الشيطان الرجيم اللهم لك الحمد وشكر كما ينبغى لجلال وجهك وعظيم سلطانك
انا متزوجة بالظبط من سنة و تسعة اشهور انا عارفة انهم مش كتييراوووى
بس ربنا علم اليوم بيمر عليه ازى كل شهر اتعشم ان خلاص حلم اتحقق وانكسر وتصدم
انا املى فى الله كبير... استغفرك ربى واتوب اليك
""فى البداية انا دورتى مش منتظمة بعد زواجى بشهرين روحت للدكتور عشان انظمها
ومكنتش ساعتها اعرف ان عدم انتظام الدورة بياثر على الحمل انا راحة عشان انظمها
وخلاص بعد كده بقى عرفت ان عدم انتظامها ده بيبهدل الدنيا المهم كشفت والدكتور قالى
انى عندى ضعف تبويض بسيط واعت كااااام شهر مش كتير شهرين ثلاثة وبعد كده قالى
لازم منشط واخدت منشط شهر وتانى وثالت مفيش حاااجة طبعا قبل المنشط زوجى عمل
تحليل النسبة الحمد لله مفيش مشاكل وبعد كده حسيت ان مفيش نتيجة مع الدكتور ده فروحت
لدكتورة تانية برضو اعطاتنى منشط وبرشام بتاع هرمون الحليب وبعد كده ..عملت منى لنفسى
كدا عملت اشعة الصبغة والحمد لله النتيجة سليمة و روحت لدكتورة تالته كتبتلى على برشام
افضل مستمرة عليه لحد ما يحصل حمل "جلوكوفاج" و"دوباجون" وطلبت منى اعمل تحليل من
تااانى يوم الدورة بس الهانم مش راضية تشرف وكمان قالتلى انها عاوزة تحدد الهرمون المتلغبط
و تظبطه بس ياااااااستى هى دى القصة من طقطق لسلامو عليكو""
ادعوووووووووولى ياااااااااااااااااا بنات بجد انا نفسيتى تعبااااااانة اوووووى بجد يااااااااااااارب فرح قلوبنا
""اللهم لا تعلق قلبى بما ليس لى واجعل لى فيما احب نصيب يااااااااااااارب""
بناااااااااااات انا فعلا مش بتكلم مع حد كدا خالللللللللللللللص انتو بس اللى بقولكم على كل اللى جوايا
بجد نفسى احضن طفلى كل اللى اتجوز بعدى اللى معاهم اطفال واللى حوامل ما شاء الله نفسى افرح
قلب جوزى بجد نفسى اشوف ابتسامتة اول ميعرف انى حااامل و لما يشوف ابنه ولا بنته بشوفه بيلعب
مع ولاد اخواتى او اخواته بيصعب عليا الدموعى بهدلت الكيبورد بس فعلا مش عارفة اعمل ايه
ياااااااارب اكتر حاجة وجعتنى انهارده لما بيدينى التست وبيقولى يالله بقى قولى حاجة حلوه والله بكتبلكم
وانا مش قدره ابطل عيط لما خرجت من التواليت بيقولى ها قولتله زى كل مرة قالى عادى بقى خلاص
الحمد لله مقدرتش امسك نفسى وعيط تخيلو هو كمان عيط مع انه من الصعب جدااا انه يعيط انا حسه
انه خلاص هيتجنن على الاطفال بس اعمل ايه كله باذن الله وحده هو القادر وهو كمان بيقول كده..
بس انا ضعيفة اووووى ونفسى ارتاح وبالى يهدى طولت عليكم اوووووى
سلامى للجميع احبكن فى الله استودعكم الله الذى لا تضيع و دائعة
__________________
ربى احفظلى زوجى و ابنى وباركلى فيهم
ورزق اخواتى عاشقات حلم الامومة الذرية الصالحة
التعديل الأخير تم بواسطة سلمى012 ; 28-06-2011 الساعة 03:48 AM