المشاركة الأصلية كتبت بواسطة بنت الحكمي

طيب ياأختي أنا رجعت قرأت صفحات موضوعك كامله وشفت نقاشاتك مع الأعضاء بخصوص أخوك فتضح لي إن أخوك يعاني من خلل ويمكن إنه نفسي طيب أخوك قلتي إنه يسرق فلوس الناس ليش يسرق
الفلوس وفين يصرف المبالغ إللي يسرقها وإيش إللي يضطره
إنه يمد إيده على حقوق الناس إذا كنتوا توفرون له كل شئ يبغاه أقول لك شئ يجون عنده زوار من أصدقائه في البيت فيه أحد يمر عليه ويروح يتواصل مع صديق له بإستمرار أنتي دخلتي غرفة نومه أثناء غيابه وفتشتيها زين جيوب ثيابه ومكتبه وخزنة ملابسه وحتى سطل الزباله الخاص بغرفة نومه شوفي تلاقين عليه ملاحظات غريبه في النت راقبيه زين شوفي على إيش يجلس يتفر ج ويتصفح بس كل هاذا من غير مايحس فيك وحاولي إنك تحسني علاقتك فيه وأمدحيه قولي له يفلان أنت أملنا بعد الله عز وجل مالنا غير ك أحد نبغاك تواصل تعليمك وتتخر ج وتتوظف بعدين كل الناس بتزوجك بناتها أنت شاب ممتاز وأخلاقك عالية والبنت هاذي إللي أنت تبغاها لوتوظفت وصار عندك وظيفة وراتب ولك هيبة ورزة بين الرجال راح تتمنى ظفرك ولو خطبناها لك عقبها راح توافق عليك على طول هيه وأهلها لأنهم ماراح يلاقوا أحسن منك لبنتهم بعد مايشوفوا إنك تغيرت وصرت رجال موظف وتصرف على نفسك ومستعد تفتح بيت وتتحمل مسؤليته أنتي ياشهوده حاولي إنك ترفعي معنو ياته وترجعي ثقته بنفسه وتخلينه يحس بوجوده كرجل عليه مسؤلية حتى لو تضطري تكذبي معاه مثلا حاولوا إنكم تكلفونه ببعض الشغلات خارج البيت وبعد مايرجع إمدحيه وأثني عليه وإدعي له وقولي له كل الناس تذكرك بالخير جيراننا يمدحون فيك وفي أخلاقك يقولو ن فلان أخوكم ماشاء الله تبارك الله رجل أخلاق وحشمة وأدب وفوق هاذا كله بار بأمه وأسرته ومتحمل مسؤليتهم كلها الله يعينه ويوفقه ويرزقه بنت الحلال إللي تسعده .
أنتي حاولي معاه ولاتيأسي ابد خليك مستمرة معاه على طول لابد وإن تتحرك مشاعره تجاهكم و يحس بوجودكم حوله أنتي والعائلة كاملة حاولي إنكم تغيروا طريقة تعاملكم معاه للأفضل علشان يحس بالثقة في داخله والأمان في من حوله .
ونسأل الله له الشفاء العاجل والهداية والصلاح وربنا يقر عين أمك فيه وتنال بره وصلاحة اللهم آمين.