بارك الله فيك اختي الماضي الدفين..
يا هلا يا هلا بأصعب حكاية
سبحان الله امس كنت مع وحده من البنات بالمسنجر,قالت لي قبل اسبوع تزوجت صدديقتنا فلآنة,, وقبل يومين ملكه فلآنه وبرضو صديقاتي كلهم,,استغربت اني اكلمهم ولا وضح عليهم ان فيه موضوع زواج او ملكه,الله يوفقهم ويهنيهم..
بس ليه هذا التعااامــل؟؟
مثل ما أسلفت أختي الكريمة
أن نحن اليوم بثقافة تعج بالتحذير من العين فلابد أن تأخذي هذا الأمر بعين الاعتبار ولا تآخذيهم كثيرا على الموضوع
يا اختي ما خلى البنات تتحسس من موضوع الزواج الا من هذي النوعيات اللي ذكرتيهم,,,
لا تتحسسون ولا شي
في جانب أنا أشوف أنهم أحرار المهم أنتِ كوني واثقة من نفسك وعارفة من أنتِ , والمواقف هذه تقويك وتخليك تعرفين تختارين صديقاتك بعناية..
أنا المواقف اللي ذكرتها للأمانة ما أذم صديقاتي خصوصا أنهم صديقات والنعم فيهم أغلبهم دين وأخلاق وحياتهم الخاصة هم أحرار فيها
يخبون أو ينشرون هذا شي راجع لهم المهم أن ما يوصل الأمر للشكوك والظنون السيئة والتجريح مثل ما حصل مع بعض الأخوات في المواقف السابقة .
تصدقين لي صديقة تربطني بها صداقة خفيفة , من النوع اللي تخاف على زوجها بشكل كبير , ومن خوفها يمكن تلبسك بشي أنتِ مو فيك ...
تصدقين تتكلم عن زوجها يمين ويسار والله ما كأني أسمع شي , لاني لا أريد أخسرها وزوجها لها الله يهنيها فيه وعارفة لو تكلمت عنه وشاركتها الحوار مع أنها هي اللي فتحته مو أنا اللي سألتها ولكنها راح تبدأ تشك وتخاف ...
لدرجة أحيانا تقعد تختبرني مثلا اتفقنا أنا وهي أننا نقوم بعمل وزوجها عنده خبرة في هالشي اللي بنشتغل فيه , قالت لي لو ضعنا بنسأل زوجي طنشتها قلت لها أنا بسأل ان شاء الله فلان وفلان أعرفهم
حسيتها ارتاحت كانت تتوقعني بتحمس وبقولها ايه بنسأله وكذا ( حتى لو عن طريقها ) بس هي كذا ...
فانتِ اعرفي تعاملي مع هالنوعيات وحددي لهم حجم في حياتك , وبالنهاية أنا عارفة ان هذه ما تصلح تكون صديقتي بكل معنى الكلمة
ولكنك في جانب بتستفيدين منها وبتستفيد منك في دينك ودنياك
احيان اشك ان البنات من كوكب ثاني على ذا الأسلوب,والمفروض يعلمونا اذا تزوجو عشان نقطع من انفسنا بكرامتنا قبل يسحبون علينا
هههههههههههههههههههههههههههههههه
ضحكتيني من قلب
أنتِ جسي نبضها اذا شفتيها كاشة منك اسحبي عليها ومتى ماهي اتصلت حياها الله لا تتحسسين أبدا , المهم لا تفرضين نفسك
أنا هذا اللي أسويه اللي أشوفها متحسسة أطلع بكل أريحية ومتى ماهي تبغى تجي حياها الله تحي من كيفها وتروح من كيفها..
هي وغيرها ما يزيدوني ولا ينقصوني بشي , وكوني أنتِ دائما السباقة بالخير
نعرف ان مسؤوليات المتزوجه اكثر من العزبااء وان لها حياه خااصه فيها ولا يحق لأحد انه يتكلم معها فيها ولا يتدخل بمشاكلها,, لكن زواجها ما يعني انها تلغي صديقاتها واللي كانو معها وعشره ايااام تنساها بس عشانها تزوجت !!
أختي صدقيني أنا جربت الزواج
زوجي عزلني عن كل صديقاتي وكان قرار صارم ما أقدر أكسره في ذاك الوقت , ويحتاج وقت لحين أرجع لهم بأريحية ..
المهم أنك لا تعاتبينها يمكن تكون مجبرة ..
ولا تقولين ليه ترضى ؟ كل مرأة أعرف بزوجها وتحتاج فترة مثلا حتى تقنعه ...
ولكني العتب على النوعيات الموسوسة , بس حتى هالنوعيات الموسوسة - بعضهن - مو خايفة منك كثر ما تخاف من زوجها
لان في حريم مهما كان زوجها زين عندها قناعة تامة أن الرجال مالهم أمان ..
صدقيني هذه قناعة عند بعض المتزوجات فتقول أقطع الشر وأصادق المتزوجات فقط ...
ولا بعضهم من تنخطب قطعت مراا وحده..ومو بس الصديقات,حتى بعض قريبااتك يتبعو هذا النهج,
نفس الكلام السابق
المواقف تعلمك تختارين صديقاتك والكلام بنفس الوقت للمتزوجة , اختاري صديقتك بعناية ما راح تخافين على زوجك منها
تصدقين بالله
لي صديقة تقرق فوق راسي عن زوجها وسوالفهم , لحد اليوم ماعرف وش اسمه ولا قد سألتها ولا حتى فكرت!!
خلها تقرق من اليوم لبكرة أنا أشوفها مو هي الانسانة اللي تستحق أفتح قلبي لها وأخذ وأعطي معها وأسألها براحتي وتجاوبني براحتها والعكس ولا وحدة منا يدخل الشك بقلبلها لحظة
يعني المقصد
الموضوع مو بس أن هم يقطعونا ولا ما يقطعونا , الموضوع أن في منهم ما تستحق صداقتك الكاملة ولها مساحة صغيرة تعطينها اياها ماراح تتعداها ..
تزوجت تطلقت أنا علي من كيانها هي بغض النظر عن حالتها الاجتماعية
-فيه ثقاافه ايضا تمنع البنت من انها تكلم (متزوجه),وهذي موجوده في المجتمع الي عاايشه فيه لكن ولله الحمد تعتبر تخلف عندنا 
,وبسبب هذي الثقاافه انقطعت عني وحده من اعز صديقااتي كانت معي من اول ابتداائي الى قبل زواجها,والسبب في انقطاها انها تزوجت !!< ثقافتها قطعتها
هههههههههههههه
سبحان الله هي فعلا تخلف
-موقف آخر,, كلنا نحب الأطفال وبالذات المواليد ,, ومراا نكبت عمري مع جده وحفيدهاا ,, اخذت حفيدها وحطيته بحضني,قالت هي لزوجه ولدها شفقاانه على طفل..لحظتها كان ودي معي بازوكاا وانسف الجدار الي ورااهم ..
عادي يا بنت وسعي صدرك
لا بازوكة ولا شي << ترا مافهمت شي
لي صديقة ما شاء الله عليه تعجبني
كنت زايرتها في بيت أمها وهي حامل بعد ما تزوجت , وجوهم حريم من قرابتهم , وهي حامل ببنت وأختها حامل ببنت قاموا يسألون وش بتسمونهم جاوبوهم قال وحدة من عجايز الجلسة فلانة اسم بنتها حلو والثانية مو حلو اللي هي صديقتي
لو تشوفينها صديقتي ما شاء الله عليها تلاعب الصغيرين اللي في الجلسة ولا كأنها سمعت شي ...
عجبتني كان نفسي أبوسها ذاك الوقت 
طنننننننننننشيييييييييييييييييي
-موقف ثااني وهذا بصرااحه ينطبق عليه شر البليه ما يضحك,بنت متصله علي وتهاوشني ليه ما تزوجتي؟؟؟<< وكأن الموضوع بيدي ولا حبه علاج وابلعيها مع مااء هههههه ,,, قلت لها للأسف لسى ما جا اللي يستاهلني<< 
,,والله اعلم اذا هواشها كان من زود الاهتمام فيني ولا فشــه خلق..
هههههههههههههههههههه
متخيلة شكلها
غريب تصرفها مادري بايش يتفسر
احس اني كثرت لق لق على رووسكم..اعطي الماايك للي بعدي من الأخوات ...
تقبلي مرووري ومداخلتي خيتو الماضي الدفين..
مداااخلة رائعة
ارجعي لا تروحين
خلونا انشط القسم شوي
قد يكون لي عوده للموضوع ..الله اعلم..