يارب تمم علي أخيراً لقيتها
بسم الله الرحمن الرحيم
الحمد لله المتفضِّل بالنِّعم ، وكاشف الضرَّاء والنِّقم
والصلاة والسلام على النبي الأمين ، وآله وأصحابه أنصار الدين
السلام عليكم ورحمة الله وبركاتة
{ اللهم لك الحمد والشكر كما ينبغي لجلال وجهك وعظيم سلطانك}
بالبدايه المعذرة على طريقة كلامي رغم أني جامعي وانسق خطابات رسميه كثيره شبه يومي في عملي ومملت من هذا الأسلوب الرسمي جداً واحب دائماً اكتب في هذا المنتدى بطريقتي العاديه جداً بعيداً كل البعد عن الرسميه والتكلف بالكلمات ,,
سبق وطرحت كذا موضوع عن معاناتي في البحث عن شريكة حياتي كانت الأولى يقول الأب أنك راعي سفريات مع العلم أني أسافر بالسنه مره وحدهـ ولمدة لا تزيد عن 15 يوم لشرق أسيا والبنت الثانيه وصلني أن عمرها 24 سنه وبالأخير اكتشفنا أن العمر 29 سنه مادري ليه النصب من البدايه أما الثالثه كانت أكبر مني بسنه انا عمري 27 سنه قالت لا هذا أصغر مني وأخاف يتدلع علي ياشيخه انتي تطولين واحد مثلي ماعلينا كتبت كل هذا في المنتدى وكانوا الاخوان والأخوات يقولون تأكد أن الله سبحانه وتعالى يبيلك الزين وفعلآ ياربي لك الحمد وجدها ,, بعدما سألنا عنها الكل يمدح فيها اخلاق دين والباقي مابي أعلق عليه , كان طلبي منهم ان الزواج يكون رجال بس وكله بسبب مرض والدتي ومستحيل يكون زواج بدون أغلى انسانه بحياتي وهي امي ربي يشافيها ويخليها لي يارب , أبوها ابدى وافقته حتى أخوها ولكن قال أن الأمر الأول والأخير عند البنت وفعلآ جاني الخبر أنها موافقه وماعندها أي مانع وقتها ماراحت عن بالي ابداً , وقتها حسيت انها تبيني جد وانها شاريتني >>> اكييييد خاقه علي فديت قلبها .
طبعاً حددنا موعد الزواج ان شاءالله يكون بشهر عشره الجاي باقي شهرين ان شاءالله وأفكر أني أسافر فيها لآي مكان تبيه ودي أبتعد شويه عن الضغط النفسي اللي عشت فيه سنه ونص من بعد وفاة أبوي الله يرحمه ومرض اميمتي الله يشافيها .. طلبي منكم اولآ تدعون لأبوي ان الله يرحمه ويغفرله وثانياً أن الله يشافي أميمتي ويعافيها ويخليها لي وثالثاً تدعون لي أن الله يتمم علي بزواجي وتكون زوجتي معينه لي على طاعة ربي ... تحيتي لكم والمعذرة على الأطاله ,,,
__________________
يارب ترحم أبيي وتشافي اميمتي