مرحبا ..
اتمنى ان اجد لديكم الحلول المناسبه والمقنعه
وخاصه من اصحاب الرأي السديد والحكمه ..
انا مشكلتي وللاسف هذي اول مشكله تواجهني لاني توي مملكه لي فترة بسيطه..
طبعا زوجي يقرب لي مرة بس منطقه ثانيه بعيد
انا واهلي بديرة وهو واهله بديرة
صراحه تفاجئت بعد الملكه انه مقرر يكون حفل الزواج بديرته؟؟
مع انه بعاداتنا الزواج عند ديرة العروسه مهما كان
لكن هو رافض حتى يناقش
مع انه قبل كتابة العقدبكم شهر انفتحت هذي السالفه بشكل بسيط وبلغوه اهلي انه مفروض عندنا وكذا
حتى لو كان بسيط جدا بدون تكاليف زواج بس اهم شي يكون عندنا بديرتي ..
هو قال يصير خير ونتفاهم وقفل السالفه بسرعه على مافهمت من اهلي..
انا مصدومه كثير وبنفس الوقت مراعيه انو جماعته هناك كثيرين وبديرتي العدد قليل
ومراعيه اشياء كثيرة وودي اتنازل بس عجزت وماقدرت
يعني من حقي افرح بزواجي ويكون كبير وبديرتي
بالله وش يوديني ديرته بعفشي وحوسة انا واهلي؟
ووش بيقولون الناس عنا ؟.لانه عندنا عيب
ندمت كثير انه ماشرطنا عليه بالعقد
ااخ بس
لا واصلا اهلي ماشرطو بشي يقولون عيب ذا منا وفينا مابينا شروط
بديت اقلق من هالناحيه ..

للعلم للحين مابينا مكالمات مجرد مسجات ..
وصراحه انا احس انه يتهرب مايبي يكلم الين ينهي موضوع مكان الزواج
يمكن خايف اضغط عليه ..
واصلا لو كلمته خايفه اضعف او اتنازل لاني مابي مشاكل من بداية حياتي ..
واخاف يمسكها علي طول العمر
وطبعا اقترحنا يعمل زواجين بديرتي وبديرته واهله كبروها كيف يتكلف ويتخسر مرتين
يعني بالطريقتين ماني سالمه لا منه ولا من اهله .
صراحه انا صدمتي كبيرة لان اهله وهو شاريني كثير وحاجزيني من سنوات بس ماصدقوا ملك علي
وبدات السلبيات تطلع
..
المطلوب /
ابغا حلول واراء منكم ترضي الطرفين .
وايش رايكم كيف اقنعه برايي بدون ماياخذ بنفسه علي.؟
والله يجزاكم خيرررر
واعتذر عن اللهجه العاميه ..لاني تعبانه من هالموضوع ومكدر خاطري مالي خلق اصف عبارات وحروف