وأخيرا ًتمت الزياره
السلام عليكم ورحمة الله وبركاته
قبل كل شي احب اشكر كل اللي تفاعل معي في موضوعي اللي طرحته قبل شهر ونص تقريبا.. طبعا كثير نصحوني وقالوا رأيهم الله يجزاهم خير
المنتدى خلاني احس اننا مثل الأهل كل واحد يحاول يقدم نصيحه تنفع الثاني ويتفاعل مع قصة غيره كأن القصه حاصله معه هو .. خصوصا اختي اصعب حكايه اللي وقفت معي وكانت متابعه للموضوع بشكل يومي
الله يوفقها ويعطيها كل اللي تتمنى واكثر هي وكل بنات المنتدى
وعدتكم اقول اي شي يستجد بالموضوع بخصوص زيارة بنات الجيران اللي كنت اتمنى تحصل بأي وسيله وخططت لها وفشلت ثلاث مرات
لكن اخيرا تمت الزياره على خير طبعا ما اقدر اضحك على نفسي واقول فيه تلميح حتى كلمه وحده ما لمحوا فيها يعني زياره عاديه انبسطوا معي وانبسطت انا فيهم سولفنا وضحكنا ومر الوقت بسرعه
بس طلعت بنتيجه وحده وهي اني كسبت اخوات طيبات واخلاقهم عاليه حبيتهم وارتحت لهم وهم بعد نفس الشي يعني حتى وان ما حصل اللي ببالي اشوف اني طلعت بنتيجه مٌرضيه
وهذا انا ما زلت انتظر النصيب بس على الاقل ما راح الوم نفسي طول الوقت واقول اني مقفله على نفسي وما اختلط فيهم وما يعرفوني زين
سويت اللي علي و اعتبر نفسي سعيت في الموضوع بشكل غير ملفت للانتباه ,, اما من ناحية اخوي فما اعتقد ان عندي الرغبه في انه يفتح الموضوع مع الرجال مثل قبل حصلت الزياره اللي كنت اتمناها يعني صاروا يعرفوني زين وتدخل اخوي ما صار له داعي
متوكله على الله ومؤمنه بأنه راح يوفقني بالنصيب الطيب سواءا كان هو او غيره
__________________
دعاء لجلب الرزق وسعة العيش بإذن الله اذا ضيق عليك في الرزق فقل :
( حسبنا الله سيؤتينا الله من فضله إنا الى الله راغبون )
التعديل الأخير تم بواسطة ~ أمل ~ ; 03-07-2011 الساعة 04:03 PM