البارح قلتله خلنا ننفصل بهدوء ورفض

قال انا ما ابييييييييك لكن ماراح اطلقك علشان الأطفال
انتي اختيار ابوي واختيار ابوي خايس ولما تزوجتك كنت ما ابيك. وليتني طلقتك قبل كذا احسن لي ولك
واذا بتروحين لأهلك ابركها ساعة اصلا انا كنت ناوي اطلقك لكن ابوي هو اللي رجعك والا انا عجزت عنك كل يوم تزعلين وعلى اتفه سبب
قلت له ازعل بسبب تصرفاتك وزواجي معك مو زي اي زواج ثاني انت دمرتني اول ليله

قال انا لو اتزوج غيرك رَ?حّ اكون مبسوط وسعيد وشفتي هالبيت لو اطلقك واتزوج غيرك رَ?حّ اغير كل شي فيه واحط اثاث واكمله

وانا ما انكر اني كنت اجاملك عند اهلك وخاصة لما اقول احبك

قلت له يعني تضحك علي لكن تدري بصراحه اني احبك والله العظيم لأني غبييييييه حبيت واحد زيك وانا ماكنت اعرفك علے حقيقتك وانك بتكون كذا
لكن صدقني ماراح اعيش مع واحد مايبيني مستحيييييل
قال عادي حريم كثير يعيشون مع ازواج مايبونهم لكن انتي فوق راسك ريشه ولو انك تحبيني كان مارحتي لأهلك وقلتي
قلت له لأنك ماتبيني فصعب اعيش مع واحد مايبيني حتى لو احبه والحب من طرف واح بيموووووت

قال انتي طفشتيني بسألتك تبيني والا ماتبيني
عيشي معي يمكن مع الأيام اتغير ونصير زي الناس بدون مشاكل
قلت صعب وانت ماتحبني ومقصر معي بالمصروف وحاجات كثييييره

قال بكيفك ماراح اقولك روحي او لا تروحين



انا اليوم راجعه لأهلي دعوااااااتكم لي ربي يعوضني خير منه


وحابه اسأل ياليت احد يفيدني

هو ماصرفني سنتين ولما جاله الراتب عطاني 500 شهري والثالث 200 انا حابه اطالبه بالنفقه بالمحكمه هل يحتاج شهود؟

برضو فے عقد الزواج شرط انو يوديني مراجعاتي هو وداني3
مرات وبالأكراه هل هذا الخلل يوجب الطلاق بدون خلع وهل يحتاج شهود؟