الله المستعان ..

هالمواقف صعبه فعلا ..
تذكر موقفين ..

الاول .. كنت في مركز صيفي ..
وكنت اتجهز للخروج بعد انتهاء وقت الدوام ..
الا اشوف وحده تمسك بنت معاها من شعر من النص ( جهة الراس ) .. كانها تجر غنمه مو طفله صغيره
عمرها مايتجاوز الست سنوات وكانت البنت تبكي وتقول لاتجريني من شعري لا تجريني كم مره قلت لك ..

اوجعني قلبي ووقفت بمكاني واغلب اللي شاف المنظر توقف بمكانه .. بعدين طلعت ..
الى يومك اتذكر المشهد واقول بنفسي ياليتني تكلمت ياليتني دافعت عنها ..

الموقف الثاني ..
كنت بملاهي في مجمع تجاري .. وانا امشي فيه شفت تقريبا اربع شباب صغار
يعني تقريبا 3 اعمارهم 15-17 .. والرابع صغير تقريبا عشر سنوات ..
اللي عمره 10 لابس طقم مع واحد عمره 15 او 16 ويشبهون بعض ووحسيت انهم اخوان
فكان الاخ الكبير يسوي حركات استعراضيه على هالصغير زي مثلا يضربه على ركبته برجله
يضربه على راسه والباقي يضحكون والصغير وااضح عليه انه على وشك البكاء وانه مغلوب على امره ..

فما سكت قربت منهم ووجهت كلامي للولد الكبير ..
مااتذكر حديثي معه تماما بس قلت له مايصير يابابا تسوي فيه كذا
واكيد انت مايرضيك احد اكبر منك يعاملك بنفس الطريقه وقدام الناس كذا ..
هو مارد بس وانا اتكلم مشو من المكان ..

الله لايحطنا احد بزي كذا موقف ..
والله يهدي هالناس من تصرفاتهم المؤثره بشكل سلبي
على اطفالهم ..

يعطيك العاافيه على موضوعك الانساني ..

__________________
اللهم أجمعني مع أحبتي في الفردوس الأعلى من الجنة ،،


[IMG]http://im67.***********/mg87DX.gif[/IMG]

[img]http://im81.***********/aTanJF.gif[/img]