هذي مشكلة اللي يعلق بنات الناس ويحجزهم وفي الاخير ما يكون قد كلمته
حصل لي مثل ما حصل لك لكن انا تميت محجوزه اكثر من خمس سنين وفي الاخير ما تم لاملكه ولا زواج
تألمت على حالي في البدايه كرهت الدنيا بما حملت لكن الحين عرفت ان الامر مقدر ومكتوب ولأن الله يحبني ابعدنا عن بعض وما تم هذا الزواج ولله الحمد والمنه انه ما تم لاني سمعت عن وضعه وتعامله وتعامل اهله السيء مع زوجته وصار الحين بدون وظيفه يعني كنت راح انكب نفسي بهالزواج لكن ارادة الله منعته عني في الايام الاخيره قبل الملكه
اختي ..
يمكن في امر تأخير الزواج او الغاءه خيره لك وله وما تعرفين لعل الخير مخبأ لك في مكان آخر مع شخص آخر ويمكن معه
الله كاتب لك الخير ان شاء الله لا تحزنين ولا تبكين
اهون عليك انك تبكي الآن وتنسين الماضي من انك تبكين الدهر كله معه يمكن كان شر وصرفه رب العالمين عنك وان كان فيه خير يجيبه لك الله خلي ايمانك بالله قوي
وتذكري ان الله سبحانه لن يقدر لك امر الا وفيه خيره لك خصوصا ان كنتي قد استخرتي من قبل

الله يشرح صدرك ويزيح الهم والحزن عنك ويكتب لك مافيه خير وسعاده ورضا

__________________
دعاء لجلب الرزق وسعة العيش بإذن الله اذا ضيق عليك في الرزق فقل :
( حسبنا الله سيؤتينا الله من فضله إنا الى الله راغبون )