انا بتكلم عن نضرتي كامراه .. ممكن يكون انك من الاول ماكنت توضح لزوجتك ان الي كانت
تسويه غلط وانه يضاايقك كنت تشيل عليها يوم يومين وترجع تكلها طبعي بدون ماتوضح شي يعني وهيا حست انو الي قاعده تسويه شي عادي .. واستمريت انك تجمع وتجمع حتى حسيت انك ماعدت تستحمل
وانفجرت فيها .. اول ماكانت تسير مشكله وضحلها من الاول معليش زوجتي لو اني ماحبك
ماكان قلتلك انو انا ضايقتيني لما تكلمتي عن هدا الموضوع اتكلم وخد واعطي معها افهم وجهه
نضرها يمكن تقصد شي وماعرفت توصله بطريقه حلوه
......................
طيب وانا من ناحيتي لو زوجي امو سافرت وماقلي بتضايق احنا من يوم مارتبطنا سرنا
عايله وحده ومافي هالحزازيات بينا انو مو لازم تعرف شي عن اهلي عادي قولها
والي فهمته بعد انو هيا سافرت لاهلها صح يمكن تكون شايله هم انو بتبعد عنك
بس الي ريحها شوي انو امك موجوده عندك ولما عرفت انو امك سافرت زاد الضغط
عليها انو كيف خليت زوجي الحالو وامو مسافره هيا من وجهه نضرها انو لو تدري
انو امك بتسافر ماكان راحت لاهها كان الاولى قعدت معاك تساعدك
طبعا مو لازم يكون كلامي صح انا اتكلمت عن الموضوع من وجهه نضري انا كبنت ويمكن
يكون في وجهه شبه الله اعلم
المهم لاتضلمها خد واعطي معها اكره ماعلي ان الرجال يحكم علي شي من نضرتو
هوا يمكن هيا لها نضره اخرى وانتا مافهمتها
..................