اعجبني المنتدى وحسيت اني بلاقي الحل عندكم محتاجة احد استشيرة تدرون الحياة هذا صار البعيد اقرب واصدق من القريب - انا تزوجت وعمري 20 سنه ولي 7سنوات بس ما خلفت لان زوجي طلع عقيم بداية زواجي ما فكرت في الاطفال بس هو من اول يوم وهم همه واقلقني ليش ما حملتي صارت نفسيتي زفت ارتفع عندي هرمون الحليب و كنت اراجع المستشفى واستخدم ادويه على اساس العيب فيني وكل يوم يمر يضايقني اكثر مره رحت المستشفى واعطتني الدكتوره ادوية وقالت بعد 3شهور تعاليني زعل وخاصم قال ليش 3 شهور تحملت وصبرت في الاخير الدكتورة طلبت منه تحاليل واكتشفنا النتيجه انا انصدمت لانه عقم مش ضعف بس خليت املي بالله ووقفت معه وكان اذا سالني احد اقول فيني ماكنت ابغى احد يقول فية شي طبعا تغير معي 180 درجه فرحت بس تمنيت لو كان من البدايه الحين كملت دراستي وانا اولى جامعة ما نقصني شي زوجي ملتزم وخلوق وحافظ للقرآن بس ابغى اطفال قلبي يحترق والي منكد على اني ادري لوالعيب مني ما صبر علي ولا فكر يستمر يوديني مستشفيات صار لنا اسبوع متهاوشين وبنسافر الاسبوع الجاي بجلس الصيف كلة عند اهلي وفكرت ما ارجع واطلب الطلاق ومحتارة هو تعلق فيني وانا جالسة مو حب بس شفقة بس اخاف اكبر بكرة واندم اني ما نفصلت تكفون شورو علي ما انام اليل بس احس كل ما افكر في الطلاق ارتاح مع ان حياتي مع اهلي بتكون شينه