::

من خلال هالموضوع حابه أوجه نصيحة لكل رجل متزوج
ويغازل ويكلم بنات الناس ولافكر لثانية وحده أن ممكن الله
يعجل له بالعقوبة في لحظتها ويرسل عليه فضيحة أو مرض
أو يبتليه في زوجته أو بناته أو خواته أو أمه

وأحب أقول لكل متزوج يكلم وحدة من بنات أبليس
عندك حلال محلله ربي لك وتدور على الحرام

وتتساهل بالمكالمات والمغازل وتقول أكلمها بس
أليست الأذن تزني والعين تزني واللسان يزني

خافو الله في بنات الناس الشريفات إلي على ذمتكم
خافوا الله في مشاعر هالعفيفة الطاهرة إلي تحس أنها
عايشة مع رجال ما يستاهل وحدة نظيفة مثلها

خافوا الله إلي زوجكم بنات ناس طاهرات وحافظات أنفسهم
ولا بلاكم ببنات شوارع راعيات مغازل وخراب

الإنسان إلي مايحمد ربه على نعمة الحلال ونعمة الزوجة
الصالحة الشريفة بيجي يوم
وبيتعاقب بوحدة ماتحفظ عرضه وتخلي سيرته على كل
لسان والجزاء من جنس العمل


لاتحسبون أن الله يمد لكم في طغيانكم عبث

الله يمهلكم
ويعطيكم فرص عديدة للتوبة
لكن كثيرين للأسف يستمرون في محادثاتهم لبنات الهوى
ويتلذذون بالحرام ويتبادلون الغراميات مع إلي تكلمهم وتكلم
عشرة معهم

والبعض خبل يصدق أنها تحبه ومخلصة له وهي ضاحكه عليه
وعلى عشره من أمثاله

أرفعوا أنفسكم وشومو عن حركات المراهقين
أرفعوا أنفسكم وخلوكم رجال صح حافظين دينكم

تلاقي واحدكم يستحي الناس يفضحون ستره
وإلا يدرون عن سواد الوجه إلي عايش فيه ومكالماته ومغازلاته

طيب ما أستحيتوا من الله عالم الغيب..؟!
المطلع على كل صغيرة وكبيرة

ما أستحيتوا من إلي متفضل عليكم بالصحة والعافية..؟!
ما أستحيتوا من إلي ساتركم وساتر أعراضكم..؟!

ياكيف تصلون وبعد الصلاة تراسلون وتكلمون بنات أبليس..؟!!

ماتخافون من ربي لا يفضحكم ويغضب عليكم بالدنيا والآخرة..؟!
وإلا يعجل لكم بالعقوبة..؟!

ماتخافون هالزوجة العفيفة ترفع يديها للسماء وتقول حسبي الله ونعم الوكيل؟!!

ودعوة المظلوم مابينها وبين الله حجاب

ماخفتم من قولة تعالى (( وعزتي وجلالي لأنصرنكِ ولو بعد حين)) ؟!