منتدى عالم الأسرة والمجتمع - عرض مشاركة واحدة

11-07-2011, 09:39 AM

#322

قلم مبدع

تاريخ التسجيل: May 2011

المشاركات: 406

والدي العزيز رجل الرجال أنا على استعداد أني أبدأ معاك .

بس بصراحه في سؤال يدور بالي هل ممكن تتعطيني طريقه أقدر أتواصل فيها ويا أمي أو الحل في نظرتك بيكون أني أنساها على الأقل هذه الفتره.

اقتباس:

شي طبيعي تتفاعلين مع الوالد وتشتاقين له

هيييه واايد مشتاقتله كنت متعوده دايمن أرقد في حضنه كنت متعوده هو اللي ياكلني حتى يوم كبرت وصرت في ثانويه مستحيل أرضى أكل الا من أيده ( لدرجه أنه يوم يسافر أصير وحده ثانيه ). ولا مره ضربني ولا رفع صوته حتى لو كنت غلطانه بعكس خواني كان دايمن يوم أغلط على أحد ياخذني في حضنه ولا يخلي أحد يسمعه وهو يفهني أني غلطانه
( زوجته وأعمامي كنت دايمن أسمعهم يوم يقلوله أسلوبك مع لجين غلط وهو يرد عليهم هذي لجين لا أحد يناقشني فيها كنت أستانس يوم يرد عليهم .

اذكر موقف لغاية لحين مب قادره انساها أو بمعنى أصح أثر على علاقتي بأهلي وهو عقب ما تزوجت بكم شهر كنا متجمعين في بيت عمي وكنت لابسه قصير وكنت يالسه مع ولد عمي ( اللي ساعدني في موضوع أمي ) أسولف وأضحك وياه وكان صوت ضحكي عالي دخلت عمتي ( أخت أبوي ) وصرخت علينا وهاوشتنا جدام الكل طبعا هو تأسف لها وطلع ولكن أنا للأسف رديت عليها وقتلها ما يخصج انا ما سويت شي غلط عشان ترفعين صوتج عليا والكل مصدوووم من ردي وحاولت أم ريلي طلعني من الحجره ورفضت جلست تقول عمتي كلام من صدمتي فيه أغمى عليا ( كلامها أنه أبوج ما عرف يربيج وممن كثر دلاله لج صرتي ما تحترمين أحد الله يعين ريلج وشو بيطلع من وحده مثلج يوم سمعت هذه الكلمه قعدت أصيح وأغمي عليا ) وانا والله عمري ما غلط على احد طبعا درا أبوي بسالفه وتهاوش ويا عمتي ومن هذاك اليوم وأنا ما أحب أشوف أحدهم أحسها كسرتني بكلامها جدامهم ولا أكلمها .

أبوي حتى يوم عرسي كان وياي طول اليوم ما تحرك من عدالي أبداً وكان مستغرب من بكائي وعلى قولته لو ما تبغين تاخذين خالد والله لحين أكنسل كل شي أهم شي أنتي وأنا ساكته لدرجه وحده من خواتي قعدت تقول لابوي يوم عرسي ما شفتك الا في صاله ولجين من صبح وأنت مقابلها وتخيل أصر يدخل وياي الصاله وهو ماسك بأيدي , وثاني يوم وكنت مسافره ويا ريلي كنت أشوف دموعه وهو يردد لجين لحين بتفارقيني غصبن عني خلاص أخذج خالد مني .
حتى حرمة أبوي ( الله يخليها ) كانت حذره في تعاملها وياي بس واااايد تحبني وأنا بعد أحبها أحترمها عمرها ما غلطت عليا بالعكس كنت احس أنها تعاملني مثل بناتها وساعات احسن.

بس أبوي حسيته من يوم ما تزوجت يحاول يبعد عني مب مثل قبل حتى لو هو مسافر لازم يتصل يسأل عني ولكن لحين لا لحين لي شهرين ما شفته ويتواصل وياي بالتلفون وفترات متباعده مادري ليش .

ساعات يوم أذكر أمي أكره أبوي كره مب طبيعي ما احب أشوفه ولا أكلمه حتى كان هو دايمن يقولي يوم يشوفني زعلانه
( والله يا لجين لو بالمال اللي عندي أقدر أشتري فيه سعادتج أو حتى أم ثانيه لج والله ما ترددت وتنازلت عن مالي عشانج )

اسفه أحس أفكاري مب مرتبه بس حبيت أذكرلك بعض الاشياء .
اسفه على الاطاله.