السلام عليكم اخى m.s
لم احب ان ادخل موضوعك من غير ان ارد عليك ولو بدعوه
ومش هاحكى قصه حياتى بس عايزاك تعرف وتحس ان اكيد لكل انسان على وجه الارض عنده مشكله تؤرقه
ودائما المؤمن مصاب
انا لن اقول لك على حلول فعليه تعملها اكيد مش هاقدر احل ولو جزء بكلامى من مشكلتك ومعاناتك
ولكنى بحاول اقولك كلمات تخفف عنك كما يفعل كل من فى المنتدى الكرام..
ونفسى ومش انت لوحدك تحس بما قوله وعن تجربه شخصيه...
انا فى الاربع سنوات اللى فاتت كانت من الاسوء فى حياتى حصلت لى اشياء لم اتخيل ابدا ان تحدث لى وكنت لم اتجاوز العشرين من عمرى..
موت اعز الناس وفراق والم فى اشياء كثيره
ولكنى منذ اللحظه الاولى حتى نهايه معاناتى كنت انتظر نوم من فى البيت واصلى وادعو ربى مش دعوات كبيره بس ببساطتى وبلغتى العاميه كنت اتكلم مع الله واشتكى له واوقات اشعر ان مشكلتى ليس لها حل بس كنت بقول ليس هناك مستحيل على رب العالمين فبكلمه كن فيكون تحدث المعجزات...
فى النهايه عايزه اقول لك ان مهما طالت المشكلات هاييجى اليوم بالفرج باءذن الله (دوام الحال من المحال)المهم اشتكى لله ولا تيأس ابدا طالما ان الله موجود وان الله رحيم سوف يستجيب لك باءذنه تعالى...
واسفه على الاطاله بس حبيت اقول انك لا تيأس ابدا...