اقتباس:
المشاركة الأصلية كتبت بواسطة شذى 1404
هذي هي الصوره بعد تشكيل
بعد الغلي ختربت علي
سؤوالي ..
كيف سويتها الكبيبه بدون ماتتفت عليك ..؟؟
وطلع طعمه مش حلو عندي هل انتي ما نقص شي من المقادير او طريقه كبيبه باللحم تختلف عن الدجاج .؟؟؟ |
اختي شذى رح اكتبلك طريقة الكبة الحلبية (لأني ما بعرف غيرها 
)
البرغل اول شي بتغسليه غسيل بدون نقع
(برغل ناعم طبعاً)
اللحم يجب ان يقول قلييييييييل الدسم بسموه (هبرة )
بتطحنيه بآلة مخصصة حتى يصير مثل العجين و بترشي عليه ملح و فلفل اسود
بصير شكله متل هالصورة
اضيفي البرغل للهبرة المطحونة مع بصل و دبس فليفلة ملعقة مو اكتر و ملح و كمون
كمية البرغل للحم انتي مخيرة بين إما كمية متساوية يعني نصف كيلو مقابل نصف كيلو
او ثلثين برغل مقابل ثلث من اللحم (لكن اذا صارت غير متماسكة ارجعي ضيفي لحم )
(في ناس بحطو مع البرغل بطاطا مسلوقة بقولوا بتعطيها قرمشة)
ضعيها المكونات كلها بالآلة المخصصة للكبة
و خدي اول وجبة منها و ارجعي حطيها مرة تانية
يعني اعجنيها بالآلة مرتين
و بعدين اعمليها بالشكل اللي بتحبيه
إما بالقالب متل هدا
بسموها بحلب (كبة دراويش)
أو أي شكل تاني
و احشيها
طريقة الحشوة بسيطة جداً
بصل مقطع قليه (شوحيه) مع لحم مفروم + جوز + ملح و بهارات + (بقدونس و رمان اختياري)
و بعد الانتهاء من الحشو اقلي الكبة بزيت مغلي وكمية جيدة من الزيت يعني بحيث يغمر كل القطعة
و سلامتك 
اشتهيت عالكبة و الله ما أكلتا من زمان لأنه ما عندي آلة 
^^
ملاحظة :الصور كلها من الانترنت مو من عندي
__________________
.
.
استودعتك أهلي في سوريا يا من لا تضيع ودائعه
التعديل الأخير تم بواسطة ماريا ; 12-07-2011 الساعة 05:12 PM