رجعت لمشورتكم مرة ثانيه (( زوجتي وأكاذيبها ))
السلام عليكم ورحمة الله وبركاتـه...
صباح/ مساء الخيـــــــر....
ياجماعة الخير رجعت لكم بعد فترة من موضوعي الأول وإلي شرحت لكم فيه ظروفي والحقيقة المره إلي أكتشفتها عن زوجتي بإنوا حب قديم في حياتها يطاردنا بعد الزواج........
الآن وبعد فوات أسبوع كامل.... من تركها البيت أسمع خطها في كل مكان في البيت وصوتها ما فارق خيالي وأتذكر كل شي حلو ومر صار بيننا في هاداك البيت صحيح إنوا فترة عيشتها في البيت كلها خمسه شهور
بس ماأدري أحس إني فعلاً حبيتها وهيه ضحت في قلبي.... أنا فعلاً شخصيتي متأثره في الحياة الي عشتها
خصوصاً إني أتربيت يتيم أب ويتيم أم وهما موجودين ومفترقين........
الآن وبعد مرور أسبوع من تركهـا للبيت أحس البيت ضايق عليا وصاير زي المجنون... طبعاً أهلي كلهم عرفوا بموضوعها القذر...... والكل وبالإجماع يقولي (( طلقهــــا ماتنفعك)) وأنا نفسي ومنى عيني
إني أرجعها .... أبويه وأمي وأهلي وأعمامي وعماتي وخالاتي كلهم يقولوا طلقها (( بس أنا ماأدري أحس إني مو قادر على هذا القرار)) رغم كل إلي أكتشفتوا وإنها كذابه وبتكذب عليا من البداية من بداية أيام الملكة وبعد زواجنا... ضغوط أهلي زادت عليا كل يوم أكثر من الثاني.... بإنوا خلال فترة ستة إلى سبعه شهور
راح تتعوض خير منها بإذن الله....
للأسف صدقوني لو فكرت بس ترفع عليا سماعة تعتذر لي ممكن أدوس على أهلي كلهم.... بس هيه للأسف ماعاد سمعت صوتها ولا رنه ولا رساله حتى من يوم راحت بيت أهلها... في الليل أدخل النت ألقاها على الماسنجر ما أكلمها.... ولا حتى فكرت تكلمني.....
يا ناس تكفى أنصحوني إيش أسوي...... والله الوحده سببت لي جنون وصراع داخلي....قبل ما أتزوج وحيد وبعد ما أتزوجت وحيد......
أنصحوني أطلقهـا وأطيع أهلي؟ ولا أنتظرها تدق عليا ؟ ولا إيش أسوي ؟ خصوصاً وإنها حامل.....