المحادثات الكتابية هل تأثر على التخاطب المباشر
السلام عليكم ورحمه الله وبركاته..
ما اعرف من وين ابدأ..
مشكلتي ما اعرف اعبر.. ولا اعرف اقول اللي بخاطري, ولا اجيد الحوار بالكلآم.. احس فقدت الثقه في كلآمي ما ادري شو السبب..
قبل عامين تقريبا اجريت مقابله شخصية لوظيفة,وخلالها كنت وااثقه من كلآمي واحس ان الموضوع عاادي جدا مع اني لاحظت ان البنات اللي كانو معي مرتبكين وكنت اتساائل في خااطري واقول ان الموضوع ما يستااهل كل ذا الخوف..!!!,,والحمد لله وفقت في وظيفتي (السابقة) وكنت خلالها ما احتار في الكلام والرد والأخذ والعطااء والنقااش احياانا في بعض المواضيع,وكانت عندي قدره على الأقناع بصفه عجيبه,وحتى لو كان الشي خطأ اخليه صح واقنع الي حولي انه صح ويقتنعون اقتناع تاام..<<هذا سابقاً..
الآن بالتحديد قبل شهر كان عندي مقابله شخصية وكااانت محطمه, احس دخلت وانا معدومه الثقة واحس ان كلآمي خطأ ووممكن ان معلوماتي تكون خاطئه مع انها صحيحه لكن بديت اوسوس ,وطول الوقت احاول اضيع التوتر يا اناظر بالسقف ولا اطقطق بالقلم وافعال توضح اني في قمه التوتر..
انتقل هذا الشي للتخاطب مع الناس ,و صرت ما اعرف اتكلم !!
احس التواصل عن طريق الكلام المبااشر معدوم عندي ..
هل من الممكن ان تكون المحادثة الكتابيه هي السبب واثرت علي وعلى اسلوبي بالتخاطب ؟؟!!<< طريقتي بالتواصل مع الناس اغلب الاوقات وزمان على هذا الوضع..
كيف ارجع ثقتي بالكلام مثل اول ؟؟
مدري اذا شرحي واضح ولا لأ لكن ان شاء الله قدرت اوصل لكم الفكره..
__________________
[SIGPIC][/SIGPIC
التعديل الأخير تم بواسطة روح المساء ; 16-07-2011 الساعة 11:20 PM