الجانب الاخر : الله يجزاك جنات الفردوس الاعلى قل آمين
ترددت كثيير بطرح مشكلتي وتوكلت على الله وأتمنى أعرف وش فيني بالظبط
أنا قبل شهرين تقريبا شفت حلم شيين مرة ماودي أقوله أخاف يقع وبعدها بنفس النومة جاني جاثوم وهذي أول مرة بحياتي يجيني قمت مفزوعة الساعة 3 بالليل العالم كلها نايمة وخفت بالحييل جاني وأنا على جنبي الايمن تعوذت بالله من الشيطان الرجيم وألتفت للأيسر حسيت إني من الخوف كأني مربطة ما أتحرك لين نمت من بكرا خفت أقول لأمي تنهبل < أنا ماأدري وشو الجاثوم قلت لصديقتي قالت جاثوم وهي تعرف معلومات بسيطة وأغلبها خاطئة قالت إنة جان يجي الانسان وهو نايم أنا بديت أرتجف وخفت بالحييييييييييل عجزت أصبر وقلت لأمي من اليوم الثاني قالت عادي هذا جاثوم ودايم يجي أبوك رحت لأبوي قال عادي هذا إبليس قلت موب جني !! قال لا عادي هذا إبليس تعوذي منه لاجاك سكت وأطمئنيت ورجع الوضع عادي بعد يومين إلى يومك هذا أحس شيء يلمسني لاجيت أنام ! قسسم بالله أحسي شيء يلمسني ما أتوهم ( لاجيت أنام بالليل بس إذا سهرت ونمت بعد صلاة الفجر مايجيني )
الحين خف عني شوي داومت على الاذكار والرقية الشرعية ومرات اتأثر بأيات وأذكار الحسد ومرات بالعين ومرات بالسحر
أول مرة قريت ذكر من كتاب للرقية الشرعية حسيييت شيء يطلع مني من ظهري وتعرق بالظهر ورجفة قوية جدا وأبعرف وشو هذا الذكر ما أدري نسيييت من الخوف لكني أقرأ كل الكتاب يوماً والايام هذي ألاحظ إني صايرة ما اتأثر ولاحظت شيء بعد صرت إذا قريت الرقية أنفث على كأس ماء وعلى جسمي وإذا خلصت من الرقية لاجيت أشرب الماء يطلع صوت من حلقي هو الصوت هذا عادي وكل الناس يجيهم اللي هو صوت الماء وهو ينزل يطلع للناس أحياناً لكني لاحظت إن هالشيء مايجين إلا لاشربت ماء الرقية ويصير الماء مر شوي عن الطبيعي والفترة هذي صرت من يأذن المغرب إلى أذان العشاء وأنا بقلق وغثيان وخاصة بعد صلاة العشاء تجين ضيقة صدر وودي أصيح وأستفرغ الله يكرمك بس ما أقدر ولاصليت الفجر الشيطان يوسوس لي وسواس لايخطر على قلب بشر لدرجة إني أستحي أقوله لربي لاجيت أشكي له صرت أصييح منة ولي ثلاث أيام وأنا بصراع قوي جدا مع الشيطان علشان هالوسواس [ بقول لك بعض الامثلة من الوسواس اللي هين ولا يجيب ربع اللي أستحي أقوله ]
يقول لي : ( الحين أنتي ليش مسلمة ومن قال لك إنك دينة (مطوعة) أنتي أصلا بتدخلين النار والاعمال اللي سويتيها من صلاة وصدقة وذكر ماراح يدخلك الجنة أصلا أنتي ماسويتي شيء شوفي الشيخ الفلاني والداعية الفلانية أنتي ماسويتي شيء وماراح تسوين مثلهم أستانسي بس بحياتك لأنك ماراح تدخلين الجنة وشولة تبلشين روحك وأخرتك نار ! إذا سويت عمل دعوي قال هههههه ماراح ينفعك وتذكرين يوم تسوين المعصية الفلانية وووووإلخ )
والحين أقول والله لأغلبك يأبليس يالملعون يالحقير إذا قال لي هذا الكلام أبدا أخاف وتجين ضيقة وأقول ليتي ما خلقت وأرتاح من بليس لكني أقول بإذن الله بيجي يوم وأنتصر كلها أيام معدودات وإبليس منقههههر
نسيت أقول لك إن الايام هذي لاحظت أحلامي (كلها) شيييينة موت وقتل وأسود وكل بلا
علماً بأني متدينة ومحافظة على حجابي وأحاول المحافظة على الصلاة والحمدلله على نعمة الاسلام والهداية < للتوضيح فقط
وعذراً على الاطالة
__________________
لا إله إلا الله وحدة لاشريك له لهُ الملكُ ولهُ الحمد وهو على كل شيء قدير
التعديل الأخير تم بواسطة المنصدمه ; 17-07-2011 الساعة 03:05 PM