الله يصبرك اختي و يكون فعونك
بصراحة زعلتلك كثير خصوصاً انك مو مقصره معاه ابداً بس ما نقدر نقول غير الحمدلله على كل حال
يتزوج ثانيه احسن من انه يقعد يخونك لأنه مافي اسوء من الخيانة
احتسبي الى الله و اصبري فهذا حقه الشرعي و في نفس الوقت اياكِ ثم اياكِ تتغافلي عن حقك
مهما تكون الظروف و لا تستغني عن حقك الا اذا فيها حياة وموت عشان تخليه يحس بمسئولية الزواج بثنتين
لأنهم يعتقدون انه من السهل العدل بينهن
انا اعرف امثله لنساء يقدرن ازواجهن على حساب حقهن و في الأخير و لا عد يشوفوا من ازواجهن شي
انتي كمان لا تقصري في حق زوجك بالمره و حاولي كمان تكوني احسن من اول عشان يشوف قد ايش انتي تهتمي فيه و تحبيه
و اكرر و اقول لا تتنازلين بأي شي من حقك و الأفضل انه يكون المبيت ليله بليله يكون افضل لأنه هو رح يتعب كذا و حتشوفي و حيتمنى لو انه ما تزوج بثانيه لأنه للأسف ما يحسون بقيمة الزوجة الأولى الا لما توقع الفاس على الراس
وقفي بكاء و قهر و اقرأي قرآن كل ما شعرتي بحزن و الله يبرد على قلبك