اخوي الجانب الآخر اشكرك جدا جدا جدا

ومن قلبي اقول يااارب يوفقك و يسعدك في حياتك وينولك مبتغاك

اليوم صارحت اخوي باني اشك ان فيني مس وقلتله بالاعراض والاحلام و قالي بقرأ عليك

في البداية كنت اتهرب اروح اسوي لولدي حليب واقوله مافيني شي مافيني شي وهو مصر الا يقرا علي وكان يلاحقني من غرفة لغرفة وانا اتهرب واخر شي قالي آلام انتي ولا المس وضحكت وقلت انا آلام وش فيك و تغيرت ملامحي واظنه ذيك الساعه كان متلبسني وقال في قلبي يالله بقنعه ان مافيني شي و بستحمل !! > مدري كلامي او كلام المس الملعون

بدى يقرى وانا مستحملة و شوي شوي اقفل اذوني مابي اسمع و شوي شوي اتأفف واتنهد

لين ما طحت عالارض و تخدريت ايدني و صرت بين الوعي واللاوعي و بعد مرور يمكن ساعه حسيت اني بوعيي بس ايديني متخدرة و اقول لاخوي انا اختك وقف وهو مصر يكمل و اخر شي قالي اقري الاخلاص ثلاث مرات قلتله تعبانه ما اقدر و قالي انت الجني و رجع يقرى وانا ما تأثرت و اخر شي اتأكد و طلب مني اقرا الفلق والنس و الاخلاص بترتيل و قريتهم و تأكد

و صراحه مااااذكر شي مااذكر غير ان اخوي اتذكره كان يقول اطلع ولا بقرأ عليك الدهر كله وانا اللي اذكره اني بغيت اهرب من الغرفة بس ماقدرت اقوم كنت مرة مخدرة

وقالي اخوي ان الجني كلمه و قال امانه وقف خلاص بطلع والله و جلس يحلف و هدد اخوي ان اذا ما وقف بيقتل ولدي !! ولا بيخلس ثيابي مني قدامه !! رحمتك ياارب و كانت مرضعة ولدي في نفس الغرفة و قريبة مني و خذتها و رميتها على اخوي بس ماصابته الحمدلله

و قال احبها وكان يبكي و يقوله وقف خلاص بتتعب آلآم الماضي وقف تعبتها وكان يقول اخوي اطلع و مدري ايش كلام مااذاكره والجني يقول بتتعب لو طلعت الحين بعدين بطلع و يحلف انه بيطلع بعدين

وفجأة حسيت اني هديت بس ايديني مااقدر احركها و كنت احرك رجلي اليسار لا ارادي و شوي شوي لين خف التخدير و كنت تعبااااانه ماقدر اقوم

وبس سبحان الله ماتوقعت يصيرلي كذا وماتوقعت انه يكلم اخوي الحين تأكدت اكثر انه فيني حسبي الله عليه حسبي الله عليه حسبي الله عليه اللهم عذب المس اللي في الام الماضي و احرقه اللهم عليك به اللهم عليك به اللهم اني استعين بك عليه و ه ويستعين بابليس علي اللهم فعذبه و احرقه واخرجه مني عاجلا غير آجل اميييييييييييين ياارب

و بعد يومين برجع لزوجي و بصارحه باللي صارلي اليوم وان شاء الله بستمر عالقران و الرقية و بروح لشيخ باذن الله اول ما ارجع لزوجي و بحصن بيتي و ولدي

نصيحه يا بنات انتبهو لانفسكم و اقرو الاذكار يوميا و انتبهو من الفرح الشديد او الحزن الشديد لان الانسان وقتها يكوون ضعيييييف و ينسى ذكر ربه فيسهل على المس الدخول فيه وانتبهو من الوقوف عند المراية بكثرة و ابتعدو عن الاغاني و اماكن الشبهات

والله نصيحه طالعه من قلبي والله يا اخواني مابتحسون بنعمة العافية الا اذا فقدتوها و صدق اللرسول يوم قال نعمتان مغبون عليها الصحه والفراغ