السلام عليكم

فلونا ألف ألف مبروك والله يتمم لك بخير يارب

حبيبتى فلاااااااااااااااافل والله كنت لسه ببالى من يومين وقلت فى نفسى أول ما هأقدر أكتب هأسأل عليك على طول لكن والله يادوب بأقدر أدخل من الجوال أشوف أخباركم وأول ما بيتيسر لى أكتب مش بأتأخر خالص

حتى لسه فاكرة تعليق منى عن إنى أتابع مع دكتور سكر ومعرفتش أرد عليها أنا فعلا بأتابع يا منمن لكن السكر بتاعى مغلب الدكاترة كلهم والله بيقولوا لى ما شفنا سكر عنيد بالطريقة ده

وكريستالتى العسل كمان فاكرة تعليقها عن اهتم بصحتى وافطم ابنى
والله يا كريستالا انا فعلا متبهدلة من السهر والرضاعة وشغل البيت وزوجى وبنتى ووو
بس الرضاعة متعة وحنان لطفلك وراحة أعصاب بدل ما تقومى من عز نومك تجهزى رضعة وكمان انا من شهرين شلت لبنتى البامبرز بس هى ربنا يحفظها بلاعة ماء وعصير ليييييييل نهااااااار بتشرب صحيح مش بتعمل على نفسها وهى صاحية الان الحمد لله ولكن بالليل لازم لازم أضبط المنبة كل ساعة ونصف بالضبط عشان أقومها تعمل ولو زادت عن الساعة ونصف بدقيقة تعمل على نفسها واحيانا لما تزود فى شرب الماء قبل ما تنام وخاصة مع الحر ده يمكن كل ساعة أقومها وساعات بتعمل بعد ده كله

المهم إن الرضاعة الطبيعى أريح وكمان بينى وبينك أنا بأمثل على نفسى إنى مانعة حمل طبيعى (قال يعنى أنا بأحمل بسهولة أصلا) لكن بأرضى غرورى الأنثوى إنى واحدة طبيعية بترضع نظيف ومجتش الدورة لحد دلوقت بسبب الرضاعة يبقى عاملة مانع حمل هههههه

يالا خلينا نمثل شويه أنا عندى أصلا تكيسات وبلاوى لكن زى ما قلت لك

أصلا الدكتورة بعد ما ولدت استعبطت بردو وقلت لها ببراءة هأعمل ايه عشان أمنع حمل قالت لى إن أى وسيلة هرمونية مش هتنفع معايا عشان السكر الهايج ده
واللولب قالت لى إنتى أصلا حملك صعب وبتسقطى كتير فخليكى على المانع الطبيعى أو العزل (وده طبعا عمره ما حصل لأن زوجى رافضه) ولما تفطمى ابنك أو تأتى الدورة يبقى لينا كلام تانى

المهم أنا رغيييييييت كتير وكل ده مابركتش لفلفووووووووووولة

ألف ألف مبرررررررررررررررررررووووووووووووك والله فرحت لك جدا

معلش مضطرة أخلص كتابة كنت مبسوطة ونازية أكتب لكم جميعا العيال نايمة وقلت فرصة بس الان صحى واحد منهم ولسه نايم اصلا من ربع ساعة الله المستعان

بحبكم كلكم