السلام عليكم
انا الي فهمته من الموضوع انو للفضفضه
وحابه افضفض هنا لانو ماعندي احد اتكلم معاه بالبيت لانو البيت فاضي مافيه غير انا
حاليا نفسيتي دمار شامل لكن الحمدلله على كل حال يارب
ولو اجي للحقيقه انا حالتي ووضعي الصحي اللهم لك الحمد يارب احسن مليون مره من غيري ياربي لك الحمد
لكن نفسيتي تعبانه
أمس سويت عملية بسيطه جدا واقدر اقول مو عمليه لانها ماستغرفت غير عدة دقائق
لكن يوم سويتها محد كان معاي امي مسافره ويوم اتصلت فيها وخبرتها بإلي صار اليوم
قالت يوووه نسيت انو اليوم عندك موعد عند الدكتوره
وقلت حتى ماتركتي لي فلوس قالت معليش حبيبتي ومدري ايش
امي مسكينه طيوبه وام مثاليه وماتقصر معانا بشي نهائياُ وصايره لنا الام والاب بوقت واحد لانو والدي متوفي الله يرحمه
وسفرها اجبرت عليه لكن هي تقدر تجلس وتطنش السفر بس درئاً للمشاكل راحت وهي يوم تركتني في البيت لوحدي لثقتها الكبيره فيني
بس اني عتبانه عليها من بعد اتصالي فيها مارجعت دقت علي او سألتني بجد احس بوحده مو طبيعيه وكيف ماتسأل عني
وانا الوحيده من بدا خواتي اهتم فيها وارعيها لكن باقي اخواتي تتصل فيهم وتهتم ومايهنى لها بال لين تسمع صوتهم على قولتها طيب ليه مايهنا لها تسمع صوتي يعني لازم اتصل انا فيها
احيان افكر اني اكلم اي شخص واتعرف عليه والاقي الاهتمام منه وبنفس الوقت ابين لامي هالشي علشان تخاف علي وماعاد تثق في ولاتتركني ولاعاد اسمع منها كلمة انا اطمن للبيت بوجودك فيه ماابغاها تطمن ابغاها تعيش في خوف اني بخونها واخون ثقتها فيه علشان كمان مااسمع كلمه انو انتي تصرفاتك تصرف رجل مافي خوف منك يمكن اعتمدت على ذآ الشي ونسيت انو انا بنت وممكن اغلط ومااقاوم الاغراءات والحريه الممنوحه لي منها
والله اني حزنانه على وضعي مافي البيت غيري يعني لو افكر اسوي غلط اسويه بكل راحه استغفر الله لكن الحمدلله انو فيه
خوف من الله لكن امس جتني افكار وسخه وقبل مااخرج من بيتي امس جلست مداومه على هالافكار وصرت انظر لأي رجل يمر من قدامي
ومااقدر اتمالك نفسي ماادري هوه الفراغ ولا ايش بالضبط يمكن اللي فوقني من هالافكار الالام الي حسيتها بوقت العمليه البسيطه
سواقنا بجد حسيته انو احسن من اهلي كلهم هو الي وداني وجابني ودفع لي فلوس الادويه بحكم انو ماعندي فلوس ولاكنت عامله حساب للفلوس
حبيت افضفض هنا وارتاح لانو ماعندي احد اتكلم معاه
التعديل الأخير تم بواسطة روح المساء ; 25-07-2011 الساعة 04:59 AM