على عجالة أختي الفاضلة بعد كلام الأخوة الأفاضل الجانب الآخر والبليغ مافيه كلام إقرئي ماكتبوا بتمعن وبتدبر وتفكير عميق و حطي عقلك في راسك
تعرفي خلاصك وأنتبهي لنفسك من هالأشكال ترى ماراح يرتاح بالها حتى تشربك من نفس الكأس إللي جالسة تشرب منه الحين ما أدري من وين طلعوا لنا مثل هالبنات الهبلات إللي عندهم هالجرأة الزايدة والله إن كنا في زماننا أمهاتنا يجرنا جر لعند أزواجنا وهم حلالنا وماكنا نطلع نقابلهم إلا بطلو ع الرو ح أنا عن نفسي حتى إنضربت من أمي علشان زوجي جاء عند أهلي زيارة وأنا رفضت أقابله ولا أقدم له واجب الضيافه قالت أمي أنا الحين أخلي الحياء والخجل هاذا يرو ح كله قامت صقعتني أمي بصحن الفناجين على راسي حتى طلعت أشوف صورة زوجي إثنين وأصلا حتى ماعاد قدرت أناظر في وجهه أما وقتنا الحين أشوف بعض البنات صارت عندهم جرأة بزيادة الله المستعان بس ونسأل الله أن يحفظ بناتنا وبنات المسلمين جميع ويجنبهم الفتن ماظهر منها ومابطن يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله