بخصوص موضوع محادثته للبنات الغير محارم وخيانته لاختك..

انت كل الي قلته...انه...

اللي يحاسبه على هالموضوع ربه ...ولا لنا ( وحتى أختي ) دخل في هذا الموضوع
..
يااخي...اين انت عن قول الله سبحانه وتعالى..
ال عمران (آية:110): كنتم خير امه اخرجت للناس تامرون بالمعروف وتنهون عن المنكر وتؤمنون بالله ولو امن اهل الكتاب لكان خيرا لهم منهم المؤمنون واكثرهم الفاسقون

اين انت من قولنا الرسول صلى الله عليه وسلم...

من راى منكم منكرا فليغيره..الخ..

وانت جاي تقول حريه شخصيه ..ومحد له دخل اي قانون هذا الي انت حاطه...عز الله انتشر الفساد في الدنيا.مدام مافي شي يردعهم عن الحرام على اساس انه حريه شخصيه وكل واحد حر في تصرفاته..خلاص على كذا كلنا نخون انا وانت وزوجتك وكل الناس على اساس كل واحد حر في تصرفاته..ومن أمن العقاب أساء الادب
اخي نعم كل واحد حر في تصرفاته الا الحرام..والمنكرات مايجوز نسكت عنها ونتهاون فيها لها الدرجه صار هذا الشي عادي ..الظاهر انه فعلا علامة الساعه الكبرى بدأت تظهر لنا..

اخي امثال زوج اختك لايخافون من الله ولاراح يحسبون لعقاب الاخره حساب..هل معناه تتركه على المعصيه..وتدخل من ضمن ضعاف الايمان الي يسكتون عن المنكر..

اختك ضعيفه لاحول لها ولاقوه ماقدرت تنهاه عن الحرام وجات تستنجد بك انت يكفي سكوتها السنين هذي كلها وانا متاكده انها من زمان كاشفته واكيد فيه اشياء اكبر من كذا ولازالت ساكته...اختك اهمالها لبيتها مو من فراغ اكيد لها اسبابها واولها الخيانه..اهمالها ردة فعل لتصرفات زوجها..

انتوا اهله واهلها واختك ماطلعت الكلام برا..او لاحد غريب..ليش ماتحاسبونه على افعاله الي ماترضي ربه قبل كل شي..
ليش تحاسبونه على الضرب وتتغاضون عن السبب الي انضربت عشانه اختك..الي هو محاولتها ردعه عن الحرام وقام هو يضرب فيها...

اختك ماراح تنصلح حياتها دام زوجها بهذي الاخلاق...وماراح تنصلح حياتهم حتى يصلح زوجها مابينه وبين ربه اولا..لان ذنوبه مأثره على حياته

والقرار الاول والاخير لاختك..

__________________
أكبر مشكله.........

لاصرت عارف بالحقيقه وساكت..ماتبي<< تحرج >>بعض الوجيه بسود افعالها