موضوع البيت وعدم نظافته من بداية الزواج شي محد يرضى فيه لاانت ولا اي انسان على وجه الارض يرضى يعيش في مكان وصخ...وقذر...
واستغرب من الي يلومونك لانك تفكر تتزوج ثانيه..ويعتبرون مشكلتك بسيطه وانها اول مشكله..
هذي مو اول مشكله هذي اكبر مشكله ومافي قبلها ولابعدها..كل المشاكل تهون امام زوجه معيشها زوجها واولادها في العفن..وهي نفسها كيف جالسه في مكان وصخ ومطبخ مليان مواعين وصخه..يعني ماتقدر تقوم تحفش اكمامها وتغسلها ماتاخذ منها خمسه دقايق..الظاهر انها متعوده على هذي العيشه
والله حتى لو زوجتك ملاك وتنحط على الجرح يطيب ماتشفعلها طيبتها عدم نظافتها ونظافة بيتها.المفروض الام تعلم بنتها قبل زواجها وتنصحها وتوضح لها اهمية نظافة البيت وترتيبه وتاثيره في النفسيه
للاسف زوجتك طبيعه فيها كسوله ماتعرف تدبر امور بيتها..وتنظم وقتها..وانتوا بعدكم عائله صغيره اجل كيف لما تصيرون اربعه او خمسه..كيف بتنظم وقتها وتنظف بيتها..
اصلا كيف صابر وقاعد في بيت مو نظيف ولافيه ريحة بخور وعطور...والله اني حزنت عليك ولا ارضاها ابد على اخويه.
والله اني اعرف وحده قريبه لي رحت ازورها وقت مرض زوجها وسوا عمليه بيتها اللهم لاشماته مو نظيف وريحة الغبار تفوح..حتى ماجاتني نفس اشرب عندها لاقهوه ولاشاي..وللعلم هذي الحرمه دايما تعتذر اذا احد بيزورها ماتبي احد يزورها عشان مافيها تقوم تنظف البيت..والله انه زوجها وهو محرم لي دايما كئيب والان عرفت ليش هو كئيب وحزين..الله لايبلانا..استغفر الله العظيم..نظافة البيت تاثر في النفسيه..
الحين الناس يدورون على البنت الحركه النشيطه الصالحه النظيفه في بيتها وفي نفسها هذااهم شرط في البنت المقبله على الزواج واهم من الشكل ..وياليت توضح لزوجتك هذي النقطه..
وانت ياخوي توكل على الله ..وان شاء ربي يعوضك بوحده احسن منها..
__________________
أكبر مشكله.........
لاصرت عارف بالحقيقه وساكت..ماتبي<< تحرج >>بعض الوجيه بسود افعالها
التعديل الأخير تم بواسطة ليه الغرور؟ ; 23-07-2011 الساعة 07:14 PM