سجلت بمعرف اخر حتى لايتطلع احد على مشاكلي النفسية التي لاتحصى ومن بينهم زوجي
مشاكلي النفسية بدأت تتراكم علي منذ الصغر
امي وابوي الله يهديهم كان اسلوبهم في التربية الضرب المبرح ومن امثلتها كنت بالمتوسط وكنت رايحة للمدرسة مشي على الاقدام ولاحظت صديقة الطفولة تمشي ومشيتها مو متوازنه بسبب ان كان عندها مشاكل بركبتها فما حبيت اخليها لحالها تكمل طريقها بديت امشي معها وتاخرنا على الدوام تقريبا نص ساعة وصلنا المدرسة وقالت لنا المسؤولة لازم نكلم اولياء اموركم قلنا لها مو مشكلة رحنا للصف ورجعت للبيت وكان ابوي ينتظرني بالخيزران ضربني ربي يهديه ضرب مبرح لدرجة ان الخيزران انكسرت على ظهري وجلست يومين على السرير ما اتحرك من ظهري وامي حتى بخاطري ماجت وجبرتها.
ومره وانا طالعة بالصباح المدرسة قابلتني بنت خالتي وقالت لي ابغاك توصليني لمدرستي انا متاخرة قلت لها اوك ووصلتها ورحت لمدرستي وبعدها رجعت البيت مع اني وصلت المدرسة قبل الصفيرة المهم بعد مادخلت البيت الا ابوي منتظرني بخيزران يضربني بها بدون ورحمة وكان يتهمني ويقول لي قبل المدرسة وين كنتي كنت احلف له اني وصلت بنت خالتي لمدرستها واني رحت لمدرستي قبل لا اكون متأخرة بس هذا الشي مارحمني عند ابوي ضربني بشدة وللحين بيدي اثر لضربته.
امثلة بسيطة من ضرب ابوي لي انا بالذات
ومثال لضرب امي لي
كنت متخانقة مع اختي الكبيرة وجت امي بتدخل في الموضوع قلت لها لاتدخلي في الموضوع لانك حتى لو اختي الغلطانه بتوقفي ضدي فماكان منها الا انها جت تبغى تعطيني كف جيت انا ونمت على بطني وغطيت وجهي وبدون رحمة جلست امي على ظهري بكامل ثقلها وسددت لي كذا ضربه بظهري ولما قامت عني جتني اختي علشان استند عليها واروح لفراشي وسببت لي الوالدة عاهه مستديمة في ظهري لو اوقف او اتحرك فترة ماتقل ع الساعتين ابدا اصيح من ظهري بقية اليوم .
كما ان في معلمة من اهلي في نفس مدرسة المتوسط كانت تنقل اخبار لي وتكذب على اهلي باشياء ماكنت اسويها في المدرسة وماكنت ارجع الا وابوي وامي ينتظروني بالخيزران او العقال وبعدها يخلوني بدون وجبات لباقي اليوم كنت اعاني من الجوع والقهر والاظطهاد من قبل اهلي.
تعرضت بعدها لتحرشات جنسية من قبل العمالة الاجنبيه في البقالات ومن قبل 2 من اخواني الكبار وماقدرت اقول لامي او ابوي لاني كنت خايفة من اهلي. احد العمالة الاجنبيه اللي تعرضوا لي دخل اصبعه بعضوي بس ما اذكر وش صار بعدها اما البقيه فكانت من تحت ملابسي الداخليه.
عشت في صراع نفسي كبييييييييير حيييييييييييل ماكنت اعرف ان في شي اسمه غشاء بكارة الا قبل زواجي ب 3 اشهر.
تمت خطبتي من زوجي الحال ولم يؤخذ رائي بالموضوع وتمت النظرة الشرعيه بعد النظرة بيومين اخبرت امي اني ما ابغى الخطبه تستمر واني مومرتاحه لهذي الخطبه طردتني من غرفتها وقالت لي بالحرف الواحد قريبك بتاخذيه ومانبغى مشاكل. اخبرت اخوي اللي اكبر مني اني ما ابغى الخطبه كنوع من التنفيس وجى اخوي وبلغ القريب اني مو راغبه للزواج وصلني خبر وانهرت انا بكي مو علشان رغبتي به الا لاني بلقى ضرب مبرح وبقوة من اهلي تدخلت اختي الكبيرة في الموضوع وان اخوي يبغى يسبب مشاكل فقط.
طوال فترة تجهيزي ما ارتحت فيها وبالذات كانت امي تقول لي انا مابحضر الزواج وكانت نفسيتي مره حرجة.
تزوجت وكنت خايفة كثير من موضوع غشاء البكارة وبالفعل لم يخرج من عندي دم ابدا وحتى لو اثار خفيفة وبعد زواجي باسبوع لاحظت زوجي بدا يفكر كثير ويحب يجلس لحاله خفت كثير لايشك فيني اني سويت شي لان اهلي مستحيل يصدقوني شلون بزوج. ليلة من ليالي الاسبوع الثاني وبعد ماتمت العلاقه خليت زوجي ينام وقمت اخذت عصير الفيمتو ولطخت شوي جهة نومي وملابسي الداخليه شوي ونمت جنبه صحينا بعد ماشاف اثار حمرا رجع لطبيعته وهذا اكد لي انه كان شاك فيني وانا من يومها في صراع نفسي شديد اني لازم اخبره بالحقيقه وفي نفس الوقت ما ابي اخسره .
حصلت بينا مشاكل كثيرة بحكم تونا متزوجين وكان دايم يسالني عن الاثار اللي بجسمي وكنت اقول له طايحة ومدري شنو.. صارت حياتنا بارده والسبب انا عندي برود جنسي بدرجة جنونيه حييييييييييييل يعني عادي بالنسبه لي اضل اكثر من شهر بدون العلاقة اما زوجي له رغبات جنونية بالذات انه موظف صحي واغلب اللي حولة بنات من يرجع البيت يفضى طاقته اللي اكتسبها في العمل فيني وانا ماكنت اقول شي بس رسخت في مخي معلومة ان الرجل لاتهمه الا الحياة الجنسية فقط.
تعرفت لعالم الانترنت ودخلت منتديات وتعرفت على مدير منتدى معين وكان يشبعني بالحنان ويغدق علي بكلمات عمري ماسمعتها من زوجي.تواصلنا عن طريق الجوال واخبرني انه محتاج فلوس علشان بيسوي عملية وخليت زوجي يرسل له فلوس وبعدها اعترفت لزوجي بان في علاقة بيني وبين هذا الرجل وهو من جنسية غير سعوديه. زوجي ماقدر يتحمل الوضع وضربني ضرب مبرح لدرجة ان اغمى علي وماحسيت بنفسي الا يوم ثاني مالمته على ضربه لي بس عشت فتره 4 شهور خايفة من زوجي لايضربني مرة ثانيه كان من يناديني افز مرعوبه وهو ستر علي بس كان الثمن غالي. كان يجيني من الدبر وكنت ما اقدر اقول له أي شي استمر وضعنا كذا لمدة سنتين كاملين جبت له بيبي .
بعدها صرت ارفض انه يجيني واني تحملت كثير بس مو قادرة اتحمل اكثر. قال لي بالحرف الواحد اما تعيشي كذا ولا بفضحك كنت في حالة مايعلم فيها الا الله وكنت ضايعة ومومركزة حتى في دراستي لين قررت اكلم ابوه. ابوه شخص فاهم وعاقل بتصرفاته كلمته وجى ابوه للبيت وحكيت له عن كل شي وقال لي مثل ماهو ولدي انتي بنتي وما ارضى يصير فيك كذا انتي غلطتي واخذتي جزاتك.
دخل عمي في الموضوع وقال له لو يجيني خبر انك جيتها من الدبر انا متبري منك ليوم الدين وبعد ماطلع عمي جى زوجي وقال لي خلي الشي بالتدريج لين اقطعة وبالفعل تدريجيا لين وصلنا الحين لمرة وحدة في الشهر ومو قادرة عليه اخليه يوقف وتعبت معاه من هذا الموضوع بالذات .ووكلت امري لله.
بعدها بدا يصرخ في وجهي بسبب برودي الجنسي وان خاطرة مره اكون انا المبادرة او المح له برغبتي وانا لا حياة لمن تنادي هددني بالزواج قلت له انا موافقة يمكن تلقى وحدة تريحك من هذي الناحيه ومع الضغط النفسي اللي كنت اتعرض له من زوجي بسبب العلاقة الجنسية طلبت منه اروح لطبيب نفسي رفض قلت له انا محتاجة اتكلم مع دكتور نفسي كمان رفض ومع الضغط الشديد منه اعترفت له بالماضي الجنسي تبعي وكنت مستعده لاي نتيجة قام وجى لجهتي وانا لاشعوريا غطيت وجهي تحسبا لاي ضرب بيجيني منه قرب مني وحضني حسيت لاول مره انه قريب مني قال لي انتي ماتحتاجي علاج نفسي بس شيلي اللي في بالك وخلاص. وبعد هذا الكلام بشهر عرفت بالصدفه ان رفض فكرة علاجي علشان ماعندة مبلغ للعلاج سكتت وماقدرت اتكلم معاه باي شي.
صار زوجي مدمن افلام اباحيه اما عن طريق النت او عن طريق التلفاز اكتشفته مره بنص الليل ولما رحت لدوامي كان واضح علي التعب بلحظة وحدة مادريت عن نفسي الا وانا في الارض السكر عندي كان نازل كثير وضغطي مرتفع وبقوة وكان الدكتور هو بنفسه اللي يشربني محلول سكري علشان ارجع لتوازني مرة ثانيه والدكتور اتصل بزوجي وجاني زوجي للدوام واخذني وقال لي انتي بيدك اللي خليتيني ادخل هذا العالم. قلت طيب وش الحل اللي تبغاني اسويه طلب انه يرجع مثل ماكان يجيني من الدبر رديت عليه قلت له خل افلامك تنفعك .
احن للشخص اللي تعرفت عليه لانه كان يشبعني بالحنان وكلمات الغزل اما زوجي للحين ما اسمع منه حتى كلمة بسيطه تحسسني بوجودي وكياني
لما تزوجت كانت ثقتي بنفسي معدومة ما اعرف اتكلم او ادافع عن نفسي وزوجي تعب معاي لين رجعت ثقتي بنفسي وصرت شرسة في الدفاع عن نفسي حتى اهلي لاحظوا هذا الشي. بنتي ممنوع عليها تشوف الشارع الا معاي او مع ابوها او خالتها غير كذا ممنوع تطلع.
ما انكر ان زوجي عنده صفات ممتازة يكفي ان خلاني ادرس على حسابه الخاص وكان يدفع بالسنه مايقارب ال 50 الف ريال بس والله العظيم اني ما القى في قلبي حب له . يمكن اعزه , اذا غاب عني فتره احس اني ادور عليه وليه غاب طول هذي الفتره بس نفسي اسمع منه كلام حلو وحنان يملي علي حياتي بهذا الكلام صرحت له كذا مره اني محتاجه لكلام حلو بس مالقى منه أي نتيجة. وخصوصا هذي الفتره لانه يدرس ويشتغل من يطلع الصباح ما القاه يرجع بالبيت الا الساعه 11 بالليل.
انا حاليا حامل بطفلي الثاني واعاني معاه من جفافه معاي واذا كنت تعبانه جسديا وسئلني وش فيك اقول له ظهري يجلس يتأفف مني ويقول لي انا من اخذتك من بيت اهلك وانتي كل شي فيك مريض (عندي عيوب خلقيه في الرحم والتبويض مايتم الحمل الا بعلاج وتكلفة العلاج ماتقل عن 10 الالاف ريال) اتعب من كلامه اكثر.
اعرف ياعم ان مشكلتي مالها حل بس احاول اكون له الزوجه اللي يتمناها بس ما اقدر مو بيدي. اطلب منه اني اروح لدكتور نفسي يرفض وبس اسكت عنه.
اسفه على الاطاله بس حبيت تكون بالصورة عن حياتي كلها لعل وعسى القى حل...
مع فائق احترامي لك
وربي يسخر لك عبادة فيما يرضاه