مرحبا اختي cila


انا ماكنت اسكت عن المشاكل بشكل كامل...

بس كنت اتاخر عن حلها...
يعني من قو مافيني من صدمة...
كنت اسكت...
يصيبني خدر ...
ولااقدر اقول شئ....
مافي بالي ذيك اللحظة...
الا هل الزوج يقول كذا لزوجتة؟؟؟

مثلا...
دايما يقولي ويمزح انة بيتزوج علي....

بالبداية كنت ازعل...
وارد علي (وانا اضحك) علشان ماتنقلب لمشكلة....
مع الوقت صار يزيد من السالفه هذي...
ومع الاشياء اللي اكتشفها فية...
صرت احس اني مالي قيمة عندة...
يعني اللي يحب زوجتة يقول ابي اتزوج عليك...
اللي يحب زوجتة يقول....
اذا صار طلاق ...انا عندي قائمة للبنات اللي ابخطبهم...
ويقولي اساميهم واعرف البنات ذولي...

طيب ليش؟؟؟

انا وش سويت؟؟؟

وش الذنب اللي سويتة علشان هذا يصير لي؟؟

ابي احس ان لي زوج مايفكر حاليا الا فيني
ابي احس اني انا شئ جديد بحياتة...
مثل ماهو شئ جديد بحياتي...

ليش يقتل الحب اللي داخلي لة...
وانا توني بادية اجربة....
توني ماتهنيت فية...
دوبني ابعيش احلى حب معه...

ليش يقتلها وانا توني متزوجه...

ليش انحرم منة؟؟


ايام كنت ادرس ...بالمتوسط والثانوي...

انغث من البنات وخرابيطهن...

اللاعب الفلاني ...والمغني الفلاني...وكل وحدة تنقش اسمة على طاولتها...

انا الحمدالله ماكنت احب سوالفهن....


اصلا ماكان عندنا تلفزيون....الله يجزا الوالد خير.....اهتم فينا وبتربيتنا...فصرت افكر بعقل حرمة كبيرة..
اتذكر كنت اموت على قصص الانبياء...واسهر عليها اقراها...
ماكان عندي وقت للكلام الفاضي..

ولاكان عندي فراغ عاطفي.....الحمدالله...علاقة اهل البيت طيييييييييبة مع بعض...
ووقتي امضية مع امي وجدتي....

بس يوم كبرت شوي...
ودخلت الجامعه...
واسمع لكلام البنات المتزوجات....
وعن الزواج....كنت اسمع امور طيبة عن الزواج..والزوج....ماكنت اسمع ابد عن العلاقات او الخيانة...

كنت اتعلم من صديقتي المتزوجه....بس اشياء خفيفة....لاني استحي منها...ويظهر علي الارتباك...

وكنت اخذ كتب من الجامعه اقراها...اتثقف شوي....

ومااخفيكم اني كنت في داخلي ارغب بالزواج وبشدة...
ابي عيش مع زوج يحبني صدق....
كنت ابي حب ودلال وكلام حلو...هذا فطرة بالانسان....والكل محتاجها
كان عندي مخزون عالي من العاطفة والحب بشكل رهيب....
من انخطبت منة....
على طــــــــــول حبيتة...وانا مااعرف الااسمة...
صار شغلي الشاغل....
حتى والله احيانا اعجز اذاكر...
من الله عشقتة....
كنت مندفعه لة...
وتزوجتة...
ويوم عن يوم انصدم...
وللاسف انصدمت وانا عروس...
كان احساس رهييييييييييييييييييب...والم مااقدر اوصفة....

دوبني بادية اعيش الحين صح....

ليش تموت احلى شعور واحساس فيني...

المهم

حاولت مع الوقت اتناسى اللي انا فيه...

لاني احبة وماابي اخسرة....

وابي اعيش حياتي...توني صغيرة...وتوني انطلق للحياة...
دعست على قلبي واستمريت...بس ماكان عندي استقرار نفسي...كان فية خلل...

والى يومكم هذا وانا تعبااااااااااااااااااااااانة...

ولااحس اني تزوجت...
ولااحس اني زوجه....لها زوج يبيها...

يحسسني اني وحدة عادية..

اذا تكلم بطلاق...او زواج...
اقولة خلاص ....كيفك .....تزوج....

والله ماعد تفرق معي....

يعني وش خليت لي علشان اغار واشفق عليك؟؟؟

ماتركت لي شئ....

متى حسيت انك لي وانا لك...


احلى سنوات عمري تروح مني
كلها هم ومشاكل....

طيب متى اعيش...

اذا صار عمري 40.....

اذا ماعشت الحين متى اعيش...؟؟