كتبت الاشياء اللي طلبتها مني في دفتر وبعدها حسيت بضيقة مايعلم فيها الا ربنا رحت لفراشي ونمت(من عاداتي وقت الضيق انام) بس وانا نايمه كنت اصرخ بصوت عالي وخروا عني ولاتضربوني انا ماسوويت شي وجاني زوجي وصحاني لانه خاف اول مره تجيني هذي الحاله اول ما انتبهت لنفسي كان جسمي كله عرق ربي يعزك وكانت الغرفة ثلج من البرودة كان يسئلني زوجي بشكل متكرر وش فيك كنت ارد عليه ما ادري يمكن حلم مزعج سئلني شنو حلمك رديت عليه ما اذكر ومن جد ما اذكر اي شي.
دخلت الحمام ربي يعزك واخذت دوش بارد ما انكر انها نزلت دموعي بس كنت حريصة زوجي لاينتبه لي لان كل شوي يدخل ويسئل اذا محتاجة شي. وانا اتروش سمعت صوت الاذان طلعت ورحت لسجادتي وهذي لاول مره اسويها بعادتي اذا خلصت الدوش اول اخلص من عطوراتي وكريماتي بعدها اروح للسجادة. بعد الصلاة حسيت نفسي مرتاحة ومروقة وكنت اضحك ظاهريا بس من الداخل احس بشي يضغطني.
بالنسبه للتمرين كررته في غرفتي كنت اقول بصوت عالي حال المتحرش وبصوت اوطى شوي حال زوجي .
حاولت اتقرب من زوجي واطلب منه العلاقة. غيرت ملابسي وعدلت من نفسي انتبه لي وقال لي وش فيك قلت له مافيه شي ماقدرت اصرح بلساني حسيت بشي يمنعني وحسيت كمان بخجل لان لاول مرة بعد 4 سنوات من وصول بنتي لهذي الدنيا البس واروح له. ابتسم قال لي ابغاك تصرحي لي بصوتك ابي اسمع بصوتك وتطلبي مني قلت له ما اعرف وما اقدر ابتسم وقال اذا قدرتي وعرفتي انا موجود. وطلع لبرا البيت ياخذ له سيجارة ورجع وكمان ماقدرت اصرح له. جلسنا بالغرفة نسولف لين مانمنا.
ياعم اللي صار كله طبيعي؟؟؟