أهلا بك أخي الفاضل إبن الأجواد بصراحة أول ما قرأت العنوان حسبتك إنك متحامل على المطلقات وراح فكري لبعيد بارك الله فيك حسب ما أقرأ من ردودك ومشاركاتك كلها ماشاء الله فيها عقل وحكمة فأستغربت العنوان ودخلت أشوف وش السالفة وشفت إن المضمون يختلف عن العنوان في الحقيقة يا أخي الفاضل أنا أشوف إن الخلل ليس في المطلقة لأن المطلقة ماتطلق إلا بأسباب أحيانا بعض الزوجات تطلب الطلاق للخلاص لنفسها وللحفاظ على كرامتها ودينها وللهروب من ظلم وقهر وعربجية بعض أشباه الرجال مافيه أحد يدري عن ظروف المطلقات ولا عن معاناتهم ولاكن أنا أشوف إن الخلل في عقول بعض الناس المتخلفه إللي تنظر للمرأة المطلقة إنها مجرمة وماتطلقت إلا إن العيب فيها وإنها غير صالحة لأن تكون زوجة وأم أبناء تناسوا إن هاذي المرأة هي إنسانة ولها أحاسيس ومشاعر وإن أسباب طلاقها قد تكون بسبب سؤ عشرت زوجها لها يمكن زوجها سكير خمار تارك لصلاة زاني لعان إيده طويلة ويمكن إنه مافيه هاذي الصفات لاكنه عصبي غير متفاهم وهو بنفسه ورغبته يطلق زوجته بسبب عدم التفاهم أو ماتقبلها هي وش ذنبها لا وبعد فيه بعض الرجال حاطين بنات الناس حقل تجارب يتزو ج ويطلق على كيفه طيب في هاذي الحالة المطلقة وش ذنبها وعلى فكرة يا خوي ترى بعض الأهالي والعوائل عيب عندها بنتهم تحمل لقب مطلقة لو زوجها يمرغ خشمها بالتراب وتجيهم بنتهم طالبة الطلاق رجعوها بليلتها لزوجها إرجعي يابنت لزوجك لاتفضحينا
بين الناس حنا ماعندنا بنات يتطلقن وكأن الطلاق عندهم حرام كل همهم واجهتم والبرستيج بين الناس هاذولا للأسف متخلفين وجاهلين وعقولهم على قدهم لو عندهم أعلى الشهادات وأقصى درجات العلم بكل أسف راح يظلون حبيسين لأفكارهم السوداوية والمحدودة .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله