يالله ياملكة...

كلامك بالام اثر فيني..

وغصيت بعبرتي...

امي وماادراكم من امي؟؟؟

انسانة لو ابكتب اوصف صفه وحده فيها..كان الفت مجلدات عنها...
امتازت بشئ...وانا ورثتة منها....(الصبر والسكووووووووووووووووت)

صبرها عجيييييييييب...وسكوتها عن الاخطاء يثير فيني الدهشة

من عرفتها...وهي ماتشيل بخاطرها على احد..لاتزعل..لاتدافع..لاترد..
تسكت...اذا قلت لها ليش تسكتين عن كذا وكذا؟؟

كلمتها اللي اسمعها من وانا صغيرة..

الله يشوف يابنتي..

اذا قلت لها طيب مالك قدر مالك قيمة اذا سكتي؟؟

وتكرر كلمتها اللي اعتدت عليها .

قدري القاه عند ربي...

دايما اقولها..
تراك اثرت في بناتك...
بالوقت هذا السكوت ماينفع..

بس تزعل مني..

وتدرسني من وانا صغيرة كلمة
(الخطاء لايجي منك...وماعليك من اللي يخطي...)

المهم..

اشوف اللي قاعد يصير لي ...والصمت اللي فيني...ورثتة عن امي...


وانا اقرا كلامك يااختي (ملكة القلوب)

تذكرت الموقف اللي ماانساة بيني وبين امي..


كانت رايحه تزور جدتي..
وانا طالعه مشوار مع اخوي..

امي عرفت اني مع اخوي..
فطلبت مني اجي اسلم على جدتي واخذ امي معنا للبيت..

انا ماكان ودي ابد...لاني اللي في خاطري يبين ...بين فيني التعب النفسي...وضيقة الخلق..
مااقدر اجامل وابتسم...

المهم طعت الوالده..
ودخلت على جدتي وخالاتي...
وطول الوقت ساكتة...
مالي خلق اجامل وابتسم...


هنا لاحظت امي تضايقت....ووقفت عن الكلام والسوالف...ولاحظت فيها الضيقه مني...او بالاصح علشاني..
انا هنا ارتبكت زود...فهمت امي...وعرفت وش ضايقها...حاولت بس ماقدرت...فيني ضيقة وغصة..

لانها قبل تعرف ان بنتها ماكانت كذا...قبل اهز المجلس اذا دخلتة...وتنبسط علي امي...احرك الجو شوي..
ولي لسان...الحين العكس...

وفيني شي عجزت القى له تفسير واتمنى القى له تفسير..



اذا جلست عند احد يخيم علي حزن وضيقة خلق...قبل ماكنت كذا...
بس الفترة الاخيرة...
ماادري ليش..؟؟؟ولاادري الحاله هذي ايش تسمى...




مشكورة اختي ملكة القلوب...
حديثك اثار الجانب الاخر اللي مضايقني وهي (ست الحبايب...امي)

مهما كان ....قلب الام يعرف لو ماتكلمت بنتها....



وامي طبعا ماتعرف وش صار لي..ولاابيها تعرف الصراحه.

مو ناقصه تتحمل مشاكلي انا وزوجي...

الله يقدرني على برها وطاعتها...