موضوعك جداً أعجبني أخ رجل الرجال
بالنسبة لموضوعك أنا حقيقة أحب اقرأ شخصية الرجال وأطباعهم بشكل عام وطريقة تفكيرهم عقولهم عواطفهم
لأن الرجل يختلف عن المرأة تماماً
الهدف من قراءتي وحب إطلاعي على مثل هذه المواضيع
1 : التعلم والاستفادة للمستقبل
2 : فهم أخواني وأبي وجميع محارمي بشكل ممتاز للتعامل معهم بشكل جيد ولائق
3 : تحقيق هدفي ومطلبي إذا كان الأمر يحتاج للرجل بطريقة تجعل الرجل يحقق مطلبي بكل سرور وسهولة ( وهذا يرجع للنقطة 2 التعامل معهم بشكل جيد ولائق مع الموقف أياً كان )
4 : أحياناً أريد أن أفعل فعل جميل جداً بالنسبة للإناث ولكنة قبيح جداً بالنسبة للذكور فأستعمل الفعل للإناث لأنه يعجبهن وأتجنبة عند الذكور لأنه فعل غير جيد بالنسبة لهم
وغيرها الكثير
من خلال قراءتي قرأت أن عاطفة المرأة أكبر من عقل الرجل ! هل هذا صحيح ؟ أم أنها مبالغة ؟ !
من خلال قراءتي / يجب أن تعامل المرأة الرجل كالطفل من ناحية الحنان والأهتمام والكلام المعسول فهو يحتاج لهذه الاشياء الثلاثة كحاجة العطشان للماء !
هل هذا صحيح أم أنها مجرد مبالغة ؟ !
ولدي سؤال أريد معرفة جوابة بشكل واقعي وفعال
لو أردت حاجة من الرجل مثلا فلوس أو يوديني للمكان الفلاني كيف أخلية يسوي هالشيء بدون نقاش
غير الطرق المعتادة اللي أسويها مثلا لو كان أبوي أرسل له رسالة بورقة < أسرع من الجوال مايشوفها إلا وقت النوم 
طابعا رسالتي تكون عاطفية جداً جداً مثلا أقول له ( يبه الله يحفظك ويخليك لنا طلبتك الله يسعدك ودي أروح ..... أحدد المكان أو الطلب تكفى يبة الله يخليك وووووو ويبدأ الترجي إذا وديتني الله يسعدك وإذا ماوديتني الله يوفقك بعدين أحط خانتين موافق غير موافق ) الحمدلله إذا سويت هالحركة على طوول موافق ويستانس بس ودي بحركات ثانية وغير الكلام المباشر لأني أحياناً أقول هالكلام بشكل مباشر
هذا شيء الشيء الثاني سؤالي مدري راح يخرج عن موضوعك أو موضوعك عن الذكور بشكل عام ؟
أخواني آهـ يا أخواني تعبت منهم الله يهديهم متعبييييين أخواني أثنين ومراهقين
عندهم أشياء تعلموها من الشارع أبد ماكانوا كذا أخواني : (
عندين من الدرجة الاولى
الرحمة عندهم صفففر : ( ظاهريا داخليا يرحمون بالحييييل بس أبد مايبينون لكني عارفة حركات أخواني لاصاروا راحميني لاجاني شيء أو أحد خواتي ومايبغون يضهرون رحمتهم
ألسنتهم للأسف يبيلها قص أبووووي شخصيتة قوية بالحييييل لكن مايهاوشهم لأنهم ماشاء الله ملائكة قدامة : ( وإذا قلت شيء يسكت أو يهوجس ولا يرد علي طابعا هو ماعندة دليل علشان يضربهم إذا قلت له أخواني يلعنون ضربهم من وين جبتوا اللعان ويضرب لما الواحد يصيح وضرب أبوي صراحة قووي بس فية أشياء ثانية يقولونها ويسكت طابعا أخواني ما أقول لك أنه عندهم كلامات بذيئة لا الحمدلله بس ماعندهم إحترام أبد أبببد الله يهديهم
يعني الاحترام صفففر من الدرجة الاولى
حتى أمي مايحترمونها آوكي أنا لاتحترموني طقق ما أبي منكم إحترام بس أحترموا أمي اللي تعبت علشان تجيبكم
وعند أبوي يقولون لأمي سمعاً وطاعة
وعارفة لو بقول لأبوي فعل واحد من أفعالهم لأمي بيضربهم أبوي ضرب تطلع روحهم منه علشان كذا ساكتة
يضربون خواتي الصغار والله إني أرحمهن تعرف العيال لا إله إلا الله عندهم قوة أنا ما أقواهم علشان خواتي الصغار يقوونهم
بثرين من الدرجة الاولى هوايتهم تكسير وتخريب الاشياء
ودي أتعامل معهم بلطف بس مافية مجال يقهرون يرفعون ظغطي
حاولت أكسبهم مافية أمل ودي أكسبهم بطريقة غير الكلام الحلو والحركات الحلوة الواضحة إلا إذا كانت بسيطة ومفعولها يطول ماعندي مشكلة أسويها
جربت طريقة الفلوس إذا بغوا فلوس وصارت أمي مامعها وحنا برا البيت أقول أنا معي وأعطيهم بعدين بالبيت تقول أمي لي قدامهم دوك هذي فلوسك اللي عطتيهم أقول لا ما أبغى شيء مب سلف هي يفرحون بذيك الدقية بس بعد دقيقتين تجيني قلة أدبهم تعبت منهم بالحيل تغيروا السنة هذي بالذات
أعمارهم
الكبير : 14 سنة راح السنة هذي لثالث متوسط
الصغير : 12 ونص راح السنة هذي لأول متوسط
الله يوفقك ويسعدك أخ رجل الرجال .
__________________
لا إله إلا الله وحدة لاشريك له لهُ الملكُ ولهُ الحمد وهو على كل شيء قدير
التعديل الأخير تم بواسطة الماضي الدفين ; 26-07-2011 الساعة 09:39 PM