قصتي مع لانساان اللي من جمعتني صدفه معه اعتبرته قطعه من روحي

انا وحده على نيااتي ماعرف الخبث ولا الحقد ولا لانتقاااام ماعمري حبيت رجل بحيااتي

عايشه يومي بيومه احب كل اللي حولي واللي يغلط علي ماعرف ارد ربي خلقني كذاا

في يوم مشؤم كنت اتصفح لقيت رابط موقع زواج قلت خلني اسجل فضووول لا اكثر اصلا مو مقتنعه فيه

بس بتفرج وربي قدر علي وسجلت فيه

عقب اياااام راسلني شخص من نفس منطقتي مع سوالف طلع من نفس قبيلتي

اطورت المراسلات داخل الموقع يوم ورا يووم ورا يووم يمكن انا صدقت عمري

قلت يابنت عزوبي وظيفته حلووه ومن كلامه محترم وصاادق ورومنسي

جلسنا فتره نتواصل عن طري المراسلات بالموقع حق الزوااج

طلب مني المسن حقي بحجة انو خلاص انو لقينا بعض ومن هالكلام

وعطيته وتواصلناااا فتره مو بقصيره على المسن وراني صورته ماعليه وسيم للعلم طول فترة تواصلنا ماشاف ظفري
المهم

يناس يعالم ادري بتلوموني يتقولو خبله صدقتيه والمواقع هذي كذب والله مو مني حبيته اقسم بالله حبيته

وكنت احتري اليوم اللي نصير مع بعض فيه

مرت فترره وحنا ع المسن كل يوم احبه اكثررر وكانت سوالفنا كلها عن الزواج ولاحلاام بس

بيوم طلب رقم جوالي رفضت قال اجل انتي ولد مو بنت حلفت له ماصدق خفت يتركني لاني بثبت له اني بنت قلت له افكررر وجلست فتره نسيت الموضوع وهو كل شوي يذكرني

المهم

عطيته رقمي كلمته وجلسنا فتره مكالمات مسن بيوم قال ابي اقولك شي عني وقررت اقولك لاني احبك

وماقدر استمر اضحك عليك وبصراحه حسيت ماقدر استغني عنك وبعترف لك

قلت خيرر قال انا متزوج لي سته سنين وماعندي اطفااال مو عزوبي مثل مافهمتك

انصدمت صدمت عمري لانه عارف اني مستحيل اخذ متزوج

مسحت ايميله وكل شي يخصه وقررت اتركه مع اني والله اموووت فيه

ماتركني بحالي يترجاني ارجع له اذا احبه وانها مو نهاية العالم انه متزووج
جلست فتررررره ونا غايبه عنه اشتقت له ومع مرسلاته حنيت ازود

قلت يابنت واذا متزوج اهم شي يكون معي لاني حبيته


وقلت له خلاص بساامحك بس الحين تقولي كل شي عنك قلته لي كذب عشان لا انصدم

وطلع اسمه كذب وعلمني اسمه الحقيقي انصدمت ازود

والصدمه الكبرى يوم عرفة منهي زوجته طلعت زميلت اختي الكبيره وخواتها اعرفهم درسو معي

قال ماعليك منهااا ومنهم اذا تحبيني كملي معي ووعدك مابقصر عليك بشي

بيوم كلمني وقال امي وخواتي بيجون بكره يخطبوونك


وتمت الخطبه للعلم ماسوينا تحليل طبي غير بعد العقد لان عمه الشيخ اللي يملك وقالو مستعجلين

وزوجته وصلت لي كلاام انه مايخلف ومريض و و و الخ

كلمني وقال لا تصدقينهااااا وورقتها تجيها ومن هالكلااااااااااااااااااااااااااااااااااااااااااااا اام

انا قلت مابتدخل بينكم مشكلتكم

حددنا يوم اتلبيسه وجااااااااااااااااء ولبسني دبله وجلسنا جلسه نسيت المشااااكل والكلام اللي سمعته عنه

ماكنت اشووف غيره ابد عقبها ونا انجن فيه

ثاني يوم شوفه دق علي وقال رحت القصوور ادور حجز ونا خفت حسيته استعجل وشاورني

وخترت القاعه والوقت وحجزهااااا

كان كل اخر اسبووع يجي عندي ويزعل اذا رفضت اقابله او اجلها يوم ثااني

كنت مدلعته دلع مايحلم فيه صارت لنا منغصاات بس مشينهاااااا

امه كانت فرحانه فيني كثيررررر لدرجة تقول حبيتها من يوم دخلت وتوصيه علي

وعقب وقت قالي بعترف لك بشي بس ابيه سر بينااااا قلت بعيووني

قال انا زماان كنت متزوج وحده وجلست معي سبعه شهور وطلقتها بسبب سحرر

ثم ملكت على وحده ثاانيه ونهبلت نفس لاوله وطلقتهااا ثم خذيت هذي اللي معي وهي بنت خاله ويقول ماصار لنا شي ويحلف سبب سحر من اهل زوجته

فوضت امري لله وقال احفظي السر بيناااااااااااااااااااا


عدت لاياام حجز لي الطقاقه اللي ابيهااااا والشقه بعد

وعطاني المهر ورحت اجهز نفسي وكان متواصل معي وطلب من كرت العايله عشاان يضيفني فيه ونو اكلم اهلي بيمر ياخذه قلت ابشرر

كلمني وهو مشتاق لي موووت يقول ارجعي بسرعه مشتااااااااق ونه متضايق سالته علامك قال مابي شي

قلت يوم تروق كلمني وقفلناااا

الصبح صحيت لقيته مرسل لي رساله نصهااااا
([ سلام عليكم بقولك حقيقه صح انها تحزن بس لزم اقولها انا حللت وطلعت عقيم ونتي تبغين اطفال
دوري غيري
ونا معي مرض بالدم مابغااء اتعبكي معااي الله يرزقك باحسن مني
وعلى فكره ترا معااي سكر

الله يرزقك بحسن مني وقولي لاهلك الحقيقه وورقة طلاق تجيك)


دقيت ارسلت مارد رجعت بشرعتي وجهازي وطلقني


سالتكم بالله اللي صار معي وش يعني لي مطلقه فتره مي طويله وحس غصه بقلبي هذا جزاتي اللي حبيت
وضحيت وتنازلات عن احلامي عشاانه وسالفت مرضه سمعتها قبل لا يعترف لي من ممرضه خويتي ولا صارحته ومعه قرين عاشق ولا صارحته وسالفة الخلفه كل ناس تقول مايخلف وزوجته قالت اذا مو مصدقته ودلتني على مستشفى خصوصي اشوف اوراقه بس ماصدقت وسفهتها عشاانه هو طلب مني

الله لا يحلل من ينسخ قصتي

انا بهم مايعلمه غير الله وعقب طلاقي ناس شافوني قالو زوجته تقول طلقهاا لانها ماعجبته
وكل ناس تشهد اني احلا منه ومن زوجته
وبكل فخر يقول لنااس مابغاها
حسبي الله ونعم الوكيل حسبي الله ونعم الوكيل
اللي متخصص ويعرف يكبر الخط ياليت يكبره لاني ماعرفت

للعلم هو مادخل علي طلقني قبل زواجي بشهر يعنني للحين بنت