المتفائله حياك أختي وكلامك على العين والراس بارك الله فيك أختي الكريمة أنا ماقلت يقول لها إنه عقيم أو غير قادر على الإنجاب أنا قلت يقول لها هناك عندي بعض الصعوبات في الإنجاب وبالنسبة للكذب هو فيه كذ ب مثله مثل وقت مايجلس يمثل على أهله فترة على إنه مريض نفسي ويمكن سالفة المرض النفسي تنتشر وبنات قرايبه وجيرانه يعرفون بالسالفة ولما يجي يخطب من بترضى فيه بعدين عقب سالفة المرض النفسي يمكن سالفة الضعف في الإنجاب تكون أهون عند بعض البنات لاكن مريض نفسي مافيه أي بنت بترضى ترتبط فيه وسالفة الصعوبة في الإنجاب ماراح تنتشر مثل سالفة المرض النفسي وفي الحقيقة هيه السالفتين كلها كذب بكذب بس وش نسوي أخونا إبن الأجواد مضطر يكذب على أمه لأن أمه إذا عرفت إن ولدها عنده صعوبة في الإنجاب راح تسكت وتتكتم على الموضو ع لأنها تبغى زواج ولدها ينجح لعلا وعسى ربنا يوفقه بالذرية الصالحة وإذا الأخ يريد البنت وعاجبته وإذا كان مقتنع في داخله بالبنت وصفاتها عاجبته ليش ما يتزوجها أمه مصيرها بترضى بعد الزواج لاكن إذا طاوع أمه في شورها وتزوج البكر وقلبه وعقله مازال يفكر بالمطلقة إللي في باله لأن صفاتها عاجبته مستحيل ينساها حتى لوكان مايحبهاولايعرفها خصوصا إذا لم تأتي البكر كما كان يحلم بها في صفاتها وأخلاقها وفي النهاية هاذي حياته وهو يقرر من يتزو ج لأن لا أمه ولا أبوه ولا أهله هو إللي بيعيش مع هاذي المرأة وهو من يقرر مصير حياته بس للأسف بعض الأهالي تحشر نفسها بالنص في زواجات عيالها
وتجلس تفصل العروس على كيفها والولد يلبس هاذا أنا أشوفه تعدي علا رغبات الأبناء وهضم لحقوقهم وإضطهاد لهم في المستقبل التمسك بهاذي العادات سئ للغاية أنا صراحة عن نفسي عندي ثلاثة أولاد لو كبروا وبغوا يتزوجوا مالي شغل فيهم بس راح أشرط شرط واحد عليهم كلهم أهم شئ صاحبة الدين وغيره ماهمني لو عمرها 80 سنة ويبغى يتزوجها مالي شغل فيه حياته وهو حر فيها لاكن إذا جاء لعندي بنفسه وقال دوري لي زوجة راح أدور له زوجة بنت حلال لاكن إذا كان في راسه شئ وعنده إمرأة يرغب بالإرتباط فيها هو حر في نفسه أنا ما أعترض عليه أحيانا الواحد يحب صديقه ويحب يرتبط في أخته صعبه أقول له لا ماتاخذها خذ بنت عمك أو بنت خالك أقرب لك ومن داخل العائلة ليش أحرمه من رغبته وأعترض على زواجه علشان كلام الناس هاذي حياته وش عليه من الناس وسوالفهم أهم شئ راحة إبني وسعادته عندي تسوى الدنيا بما فيها.

وأنا شطحت واجد عن موضو ع الأخ إبن الأجواد
ولاكن حبيت أرد على أختي العزيزة متفائلة وترى إحنى هنا أخوات والعين ماتعلى على الحاجب وكلامك ماعليه غبار وأتقبله بكل صدر رحب لأنه صحيح بارك الله فيك غاليتي .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله