( كل عام والأمة الإسلامية باالف خير وامن وسلامة ، ومبارك عليكم شهر رمضان )

ترددت كثير قبل أكتب لكن كتبت يمكن ملل أو شئ مادري اش اسميه ؟
بقول عقدتي الي عمري ماقلتها إلى لأبويا وزعل مني ، ولا عدت قلتها له مع اني مانسيتها وعايشة داخلي
اتمنى تفهمني ولا تظن فيا ظن سيئ بجد اتمنى تفهمنى فالموضوع ماحد بيحس فيه الا الي عاشه
عقدتي " امــــــــــي " الي اتمنى انها مو امي ما اقول ما احبها لكن مومتقبلتها ولا احب ازورها ولا اكلمها ولا ابغى حد يشوفها ويعرف انها امي قلت لصحباتي انها ماتت ولا وحده تعرف ان امي عايشه أمي من بمبي "هندية "وعايشة بالهند ومتزوجة وعندها ولد وبنتين ابويا تزوجها وقت كان هناك وهو كان متزوج وعنده عيال وجابها السعودية و بعد ولادتي بسنتين طلقها
ورجعت الهند وتزوجت و لا عمرها سالت عني بس انا عندي صورها و ابويا وداني لها زيارة
وقت كنت بالمتوسطة كنت فرحانة لما قال بنروح لأمك تشوفينها ولما شفتها ما تقبلتها ابدا يعني كانت غريبة عني بكل شيء حياتها هناك و اولادها وزوجها وجدي ابوها ماحد يتكلم عربي منهم الا امي كانت تكلمني وتعرفني على اخواني حاولت اكلمهم لكن مانفهم على بعض امي كانت تترجم مابينا جدي كان يتكلم ويضحك وانا ماكنت افهم اش يقول حسيت بغررربة كبيرة وقلت لأبويا نرجع ما ابغاها وقلت له انت جايبني لبشكارة تقول انها امي ابويا زعل وقال حرام هذى امك .
تحطمت نفسيا امي مو هي الي رسمتها ببالي ولا الي اطالع صورها كانت بالواقع غيير . ماحسيت باحساس جميل ناحيتها
تمنيت ماتكون هي امي بجد ، صدقت كلام زوجة ابوي واخواني من ابويا لما يقولوا لي بنت الهندية .
يعني صارت مصدر احتقار وانتقاص لي ولما شفتها وشفت اخواني تاكدت انا مثلها في بشرتها شعرها هي امي فعلا
لكن انا مو راضية فيها .
ماعدت اقول لابويا ابغى اشوفها لكن احيانا احن لها وفي حفلة تخرجي من الجامعة ابويا جابها مع ولدها اخويا مادري ليش
تضايقت غصب عني لكن قاومت احساسي وقلت هذى امي امي وجلست ارددها بيني وبين نفسي
راحت بعدين حسيت اني مو مبسوطة انها راحت مو لاني تقبلتها لكن لأول مرة احس ان عندي ام وبنفس الوقت ارتحت
تزوجت وهي مادرت الا بعد الزواج زوجي كان يعايرني فيها لما يزعلى ويقول العرق الأجنبي لاعب فيك ، بعد طلاقي
حنيت لها وبشددده مادري ليش ؟
قلت لها تجي ورفضت عشان بناتها اتحسست من رفضها و رفعت صوتي عليها وبعدين نددددمت ولا عاد كلمتها بعدها ..
ادري اني طولت وسامحنا ..

__________________
في صدري ضيقة ~~

جعلها في صدر منهو تسبب فيها ~~