هههههههههههههههههههههههههه
لا لا خلاااااااص كفاية يا أحلى كرستالاااا بالمنتدى جلست أفكر في كلامك لقيت إنه صحيح وفعلا هاذا الحاصل لاكن يا الغالية والله إن في زماننا هاذا
الخوف على البنت والولد كلهم سوى وأشوف إن مسؤليتهم كلها متساوية وماعاد تفرق بينها بشئ
والبنت لو شديت عليها في بعض الأشياء بيكون لمصلحتها عند الكبر وأنا للحين أذكر إن هناك أشياء كانت الوالدة والوالد يمنعونا عنها وحنا مراهقين وكنا نزعل ونتذمر لاكن بعد ما أكتملت عقولنا وكبرنا وتزوجنا فهمنا إن كان قصدهم مصلحتنا
والحين حتى الولد أنت تربيه وتغرس فيه الفضيلة وحب الخير وتعلمه الصح والخطأ وتحسن تربيته ولاكن تخاف عليه إذا طلع برى لأن هناك شلل فاسدة ورفقاء سوء في الخارج إما في المدرسة أو الشارع أو عيال الجيران أو الأقارب وإبنك إذا إختلط في ذولي الرفقاء السيئين راح يتأثر فيهم وراح يجروه معاهم للإنحراف وتخاف عليه إنهم يفسدوه ويصير مثلهم خصوصا إذا كان في سن مراهقة أما بالنسبه لي أنا شخصيا تربيتي لعيالي الحمدالله ما أقول إنها ذاك الزود ولاكن أسأل الله أن يعينني وأحسن تربيتهم أفضل تربية طبعا الكبير حاليا ماشي في عمر 14 سنة وإللي بعده 13 سنة في مدارسهم الحمدالله شاطرين ومتفوقين وفي حلقة تحفيظ القرآن من فضل الله من الأوائل ومن البيت للمسجد ومن المسجد للبيت لعب في الشوارع ومع عيال الجيران ممنوع بتاتا كل وقتهم في البيت المدرسة حلقة التحفيظ المسجد أصحابه إذا أرادوا منه شئ يختص بدروسهم يجون عنده البيت وأبوه موجود وبعد مايخلصوا دروسهم يروحوا لبيوتهم وكل أصدقائهم من عوائل محافظين ومحترمين ولله الحمد سهر في البيت فقط عيالي حاطة لهم نظام ووقت محدد مايقدروا يتجاوزوه وهاذا نظام بإرادة الله عز وجل بيستمر إلين الواحد يكبر ويتوظف ويتزوج
والله يستر عليه ذاك الساع هو حر في حياته مالي شغل فيه والبنت والولد كلهم مسؤلية على عواتقنا وربنا يعيننا عليها وأنا كنت أقصد بالتفرقة إن هناك بعض الأسر ماتعبر البنت أبد حقها مهضوم لاياخذوا رأيها بأي موضوع أهم شئ عندهم رأي الشنب والكيف كيفه هو إذا زعلوا البنت ماياخذوا بخاطرها مثل الولد وإذا الولد رفع صوته على أخته ومد إيده عليها قالوا عادي هاذا أخوها هو رجال البيت ويربيها الأب والأم ماياخذوا للبنت حقها من أخوها ولا يتكلموا عليه إذا غلط بحقها أو تطاول عليها بالسب والشتائم
طيب هاذا الشئ مايجرحها ولا يأثر في نفسيتها إذا أحست إن كل البيت بما فيهم أمها وأبوها واقفين ضدها مع أخوها إذا أحست إنها مضطهدة من قبل أقرب الناس لها أمها وأبوها
عبارة أنتي بنت وش دخلك ومن طلب رأيك الحين إنثبري وأسكتي لاتتكلمي هاذا غير بعض الأسماء إللي مطلعينها لها من روسهم وأنا أقصد التفرقة في المعاملة داخل المنزل ليش الولد له تقديره وإحترامه والبنت لا لها تقدير ولا إحترام ليش إذا الولد عمل شئ أستحق عليه المديح والثناء ورفع المعنويات والبنت لا ليش الولد تغدق عليه كلمات الحب والحنان والهدايا والعطايا والبنت لا محرومة من كل هاذي الأشياء ليش الولد في أول أولويات الوالدين والبنت في آخر قاموسهم طيب ماهي هاذي بنتك من لحمك ودمك وهية أشد حاجة إليك من الولد لإنها إنسانة ضعيفة بحاجة لمن يقف إلى جانبها ويحسسها بأهميتها ومكانتها في البيت والمجتمع لاكن الولد رجل قادر أن يصنع نفسه بنفسه إذا كبر وصار رجل ونحن إذا غرسنا في أنفس أولادنا وبناتنا محبتهم لبعضهم وإحترامهم وتقديرهم لبعضهم وأخذ رأيهم في المواضيع المهمة بدون تفرقه ولا تقديم رأي عن الرأي الآخر فمهما كان هائولاء كلهم أولادنا وبناتنا ويجب معاملتهم سواسية وأخذ أرائهم والإستماع إليهم جميعا ونعاملهم كل واحد بما يجب أن يعامل به في الأشياء الأخرى مثل الأشياء إللي تناسب الرجل وفطرته والأشياء إللي تناسب البنت وفطرتها .

أختي الغالية والحبيبة كرستالا سعدت جدا بمشاركتك الجميلة والتي لا خلاف عليها أبدا وسلمت يداك أختي الفاضلة وأسأل الله عز وجل أن يبارك لك ولنا في ذريتنا جميعهم البنين والبنات ويرزقنا برهم وطاعتهم يارب .

__________________
جمال العقل بالفكر
وجمال اللسان بالصمت
وجمال الحال بالإستقامة
وجمال الكلام بالصدق




اشهد ان لا إله إلا الله وأن محمد رسول الله