السلام عليكم ورحمة الله وبركاته
شيخنا ..الله يوفقك ...أنا أمراة متزوجة وعندي عيال والحمد لله ومن فضل ربي ملتزمة بالإذكار وقراءة القرآن ..
ولكن عندي مشكلة متعتبني مرة ؛ وأعاني منها من سنين ؛ أني أنصاب بعين من أقرب الناس لي ..من عندي أخواتي الحريم ؛أنا ماأحب الإختلاط بالناس كثير ؛ ماأخرج من بيتي إلا لبيت أهلي مرة بالأسبوع ..
نحن نجتمع في بيت الوالد مرة بالأسبوع مثل ماوضحت لك ؛؛ لكن ماأرجع إلا أصير تعبانة أشعر بكآبة وضيقة صدر ؛ ومرات لما أقول شيئ حصل جيد وحنا نتحدث سوا على طول أمرض في جسدي ؛
آخذ من غسولهن وأقرأ فيه الرقية أتروش به والحمد لله أصير أحسن ؛وشعرت بالتحسن كثير بعد ماتم الوضوء من قبلنا كل الأسرة على بنت أختي الصغيرة المريضة وأخذت منه وتروشت به وروشت عيالي ؛ وشعرت براحة وقوة نفسية وجسدية ..والحمدلله ولكن تعبت الحمدلله رب العالمين ؛ لأنها كل ماتواجهت معهن تكرر التعب ؛ أنا أحبهم وهن يجبوني لكن أنصاب من عينهم وبقوة ؛ آخر مرة البارحة رحنا نبارك الشهر للوالد والوالدة وتجمعنا كلنا ورجعت تعبانة وأشعر بضيقة وكآبة وتعب ..وزال الحمدلله من بعد ما قرات على نفسي الرقية ..
أنا ماشكيت إلا لأني طالبة العلاج ؛ الله يوفقك ياشيخ عندك علاج لي وكيف أقوي نفسي ؛ وماأقدر أبتعد عنهم ؛ أنا لما أبتعد أرتاح جداً نفسياً وجسدياً ..ولكن هذا ماأقدر عليه لأننا أهل وأحباب ..والله المستعان
وشكراً مقدماً ..